仙葉

營業中

休息中

之前聽店員講過話呢段時間會轉新餐牌，今日經過終於見到佢轉新餐牌啦，而且仲要有我最鍾意食嘅台灣麻辣鴨血。加台灣兩個字係有原因嘅，因為問店員佢哋嘅鴨血係台灣空運過嚟㗎，所以非常之地道正宗，配埋獨有嘅竹笙同新竹米粉，味道十分之夾，真係有去台灣食一碗麻辣鴨血嘅感覺。所以，我今日真係非常非常之感動。點解？因為疫情已經持續左兩年啦，四周圍都冇得去，我最鍾意食嘅日本餐同埋台灣菜一直都食唔到正宗㗎，而家可以唔使出國就可以喺香港呢個寸金尺土嘅地方品嚐到地道正宗嘅台灣料理。真係要極力推介呢個鴨血米粉，冬天食完又暖胃又飽肚，誠意之作！