椰林閣餐廳 (已結業)

尋晚無諗過去呢間舖頭食飯, 但見隔離大家樂生意鬼死咁好, 想揾個位坐吓都無, 我一家四口又唔想等位, 見椰林閣水靜鵝飛, 咁大間舖頭得個幾枱人係到食飯, 心諗可能係因為椰林閣啲嘢食貴, 所以無乜人幫襯.....一入到去椰林閣個門口, 3-4個伙計同埋個經理(雖然佢衣衫不整, 但我哋估佢係經理)企晒係收銀到吹水, 見到我哋都無反應, 咁我哋咪自己行入去, 有個做緊野waitress見到, 就是但指個位叫我哋坐, 我哋想坐得舒服啲, 問佢可唔可以坐梳化, 佢好悔氣咁話"得"坐低之後, 想落order, 舉手叫人, 個幾個係收銀到吹緊水既伙記, 見到我舉手, 即刻反轉身, 好似咩都睇唔到咁, 另一個做緊野既waitress, 走埋嚟落單, 佢好得意, 由叫佢過嚟落order到佢走, 一句說話都無講過, 好似我欠咗佢咁, 口黑面黑到啲嘢食呢, 仲攪笑, 先嚟主菜, 之後嚟湯, 差唔多食完主菜先嚟頭盤....講番啲嘢食, 個酥皮湯最勁, 可以做到"皮熱湯凍", 真係難得, 個主菜好夠凍, 一食就知係廚師花好多時間整定, 唔係落order先煮, 如果鍾意食凍野同唔鍾意食新鮮既人, 最啱去呢間嘢食