影片
更多
2015-03-19
2546 瀏覽
由於喺西灣河住，喺鰂魚涌番工，太古城中心既食店我都試左8-9成，就只有幾間冇食過，GREYHOUND Café就係其中一間，因為每次星期五六日都會大排長龍，一直都冇機會試。同朋友五點半先約食飯，六點半到太古城，難得地有好多位坐。睇黎怕等位既人要揀喺平日食。呢度啲餸份糧較少。我地一行有四人，所以可以點多啲幾款。小食本來想點薯角，但係冇哂供應，所以叫左薯條。薯仔味十足，不過有點咸，點茄汁中和番。香煎牛柳粒係我點的，牛柳係好juicy，煎得香口，但個汁又係好咸，而且個汁令到整個賣相不太好，所以我都係整走啲汁來食，就覺得幾好食。越式春卷都OK，同一般的差不多味道，算係不過不失的菜式。配上甜酸醬很不錯！(甜酸醬係泰菜的靈魂啊！)串燒豬頸肉配糯米飯好好食，豬頸肉不會太硬也不會太冧，口感煙韌，醬汁均衡，口齒留有燒汁的甜美。朋友溫馨提示糯米飯凍左會變硬，於是這道菜極速喺大家眼前消失了。主菜必點金邊粉，不太油，有嚼頭，口感很不錯，味道甜甜酸酸的。不過份量真的很少，有啲唔夠喉既感覺。青咖哩海鮮配白飯，海鮮份量算多，青咖哩汁好似比較淡，除左白飯仲有配上糖心蛋同湯。湯的味道不是難飲，但有點怪怪的，因為當中有酸
同朋友五點半先約食飯，六點半到太古城，難得地有好多位坐。睇黎怕等位既人要揀喺平日食。
呢度啲餸份糧較少。我地一行有四人，所以可以點多啲幾款。
小食本來想點薯角，但係冇哂供應，所以叫左薯條。薯仔味十足，不過有點咸，點茄汁中和番。
香煎牛柳粒係我點的，牛柳係好juicy，煎得香口，但個汁又係好咸，而且個汁令到整個賣相不太好，所以我都係整走啲汁來食，就覺得幾好食。
越式春卷都OK，同一般的差不多味道，算係不過不失的菜式。配上甜酸醬很不錯！(甜酸醬係泰菜的靈魂啊！)
串燒豬頸肉配糯米飯好好食，豬頸肉不會太硬也不會太冧，口感煙韌，醬汁均衡，口齒留有燒汁的甜美。朋友溫馨提示糯米飯凍左會變硬，於是這道菜極速喺大家眼前消失了。
主菜必點金邊粉，不太油，有嚼頭，口感很不錯，味道甜甜酸酸的。不過份量真的很少，有啲唔夠喉既感覺。
青咖哩海鮮配白飯，海鮮份量算多，青咖哩汁好似比較淡，除左白飯仲有配上糖心蛋同湯。湯的味道不是難飲，但有點怪怪的，因為當中有酸菜。第一次飯咁既湯，算係奇趣的味道。
鮮蟹肉炒飯絕對係誠意之作。朋友S𢴩飯後，朋友J問：「有飯架喎，唔好淨係𢴩走啲蟹肉喎」其實朋友S絕對有𢴩到飯，只係蟹肉太多了 ，炒飯夠乾身，蟹肉有夠新鮮有咸香，很不錯，而且很超值。整體來講呢度既餸都係有啲偏咸，但喺太古城中心實在缺少此類餐廳，所以多人幫襯都不出奇。
張貼
