一粥麵 (麗港城商場)

營業中

休息中

以前都有食過呢度既下午茶，但由於只鐘意食佢既豬排包，所以食食下都無咩新配搭，令我有一段時間無幫襯。今日機緣巧合之下又行過呢度睇下下午茶。可能你都有食過佢下午茶既豬排包，除左豬排包配飲品，又可以配下其他野，但偏偏"其他野"對我又唔吸引。雖然唔知係咪已經出左好耐，但今日竟然見到有新配搭豬排包配喳咋。豬排包配喳咋 $24其實飲品對於我嚟講可有可無，因為我係諗住外賣，而屋企有大量飲品，反而喳咋就吸引到我。$24豬排包配糖水今時今日都算係幾經濟又飽肚既下午茶。包都算熱，豬排唔縮水，醬夠多，菜幾條，都已經唔錯。喳咋材料足，甜道控制都幾好，又帶少少椰香。抵食，好食，飽肚，下午茶目標已達成。快餐店好多時都普普通通又唔算平，但今次呢個性價比一流。