意粉屋 (已結業)

話說N咁耐都無食過意粉屋，突然唔記得邊到睇到個廣告又好想去食下。。。咁就捉左我個fd去吃😂已經成9:30過左食飯時間，餐廳唔算多人好舒服，侍應服務幾好一黎介紹左有咩promote set dinner,又一叫就即刻有人黎一來本左個哈密瓜風乾火腿伴意大利果醋，今日咁熱酸酸既黑醋淋落超甜哈密瓜上面，又爽又甜又酸火速消滅左😋😋勁開胃。跟住叫左個黑椒蜜汁雞翼，味道還好，只是蜜汁味唔夠多友人叫了個海王酥皮湯，酥皮焗得剛剛好又香又脆，加埋個足料海皇湯👍🏻👍🏻👍🏻北海道帶子一聽就知又大粒又厚肉，輕輕煎香上下兩面中間保持帶子原味，加埋墨汁既鮮味不得了最後重叫多左個煙肉大啡菇黑松露醬薄餅，痴線🤦🏻‍♀️眼闊肚窄多到食唔晒，但又唔可以唔讚下佢，呢個先係成晚既焦點，一咬落去成口黑松露味漫溢整個口腔，外皮酥脆，芝士好似pizza hut個廣告咁拉晒絲雖然佢最遲黎又好飽都忍唔住食多兩塊。