華香雞 (已結業)

華香雞呢間餐廳開正係太爺雞（一間都係以賣雞飯為主的餐廳）隔離，選址咁有勇氣，相信質素都唔差～果然無令我失望～一般餐廳多數只有幾種味嘅雞：海南雞、麻辣雞、䜴油雞、貴妃雞、醉雞，但呢到竟然有未食過嘅口味 - 茶香雞～茶香雞配黃油飯 $48 |茶香雞味道好神奇，聞落無咩味，食落去雖然唔會好似飲茶咁，但就充滿茶葉香，而且食到最後會有甜味（回甘？）。茶香味入曬落個雞皮到，所以千奇唔好唔食雞皮，雞肉都比較滑身～絕對推介！但呢個雞味道已經夠好食，覺得配返白飯會再夾啲～但其實黄油飯好香，而且唔會太油，送下面清清地嘅醉雞就啱～醉雞配黃油飯 $48 |醉雞聞落好香花雕酒味，味道比較清，唔算好入味，但勝在有好多酒汁可以撈埋飯食～但雞肉質地相對比較鞋啦～份量方面，雞嘅件數真係幾驚喜，平時碟頭得五六舊，呢到起碼有八舊。食埋成個飯就有幸福滿滿嘅感覺～