十三少 (已結業)

太座見到廣告話有大公司今日做特價，去到樂富先見到變咗好多，地標食肆都搬咗位，不過商場仍然咁多人！行過竟然見到十三少，第一次係喺香港仔食，已經好想再食，但路程對我嚟講要過有d遠，樂富呢間就唔同喇，唔揸車都方便，梗係入去幫襯啦！首先職員又係好有耐性同禮貌，個人覺得呢點對一間食店嚟講好重要，可先給客人一個好印象！餐前兩小碟土豆絲和青瓜食咗會令人好開胃，唔錯！椒麻皮蛋，陣陣麻香味，小小辣，皮蛋有點流心川式口水雞，睇賣相以為好辣，食落又唔算，如果嗜辣嘅可以落單前提吓加辣，但對我嚟講就啱，哈哈！主角酸菜魚出場，可選辣度，我當然係小辣啦，依然咁好味，魚嘅份量好多，肉質又滑，酸酸麻麻，真係我喺香港食過最好嘅酸菜魚紅糖糍粑，印象中上次食呢個甜點都係十三少，今次食返仍然覺得好正，即叫即整，熱騰騰上枱，點吓紅糖食，一流！