小菜王 (福榮街)

營業中

休息中

可能呢間食肆已經退步，不過未嚟過始終都係唔甘心。剛好友人識途，決定嚟試一試。四丁友叫咗：脆炸鬼、馬拉盞豆角炒豬青、芝士牛油白飯魚、油浸筍殼、黃金蝦 + 白飯白粥 + 汽水脆炸鬼係油炸鬼釀入蝦膠再炸脆，幾香口，味道就一般。馬拉盞豆角炒豬青絕對送飯之選，豬青爽口，豆角夠爽脆，馬拉盞味道夠濃又炒得脆口。掂！芝士牛油白飯魚失敗到暈，好似將一舊冇味、油淋淋o既炸粉放入口...筍殼魚風聞已久，終於有機會一試。友人話清蒸最好味，但油浸都唔錯喎！做到皮脆，而肉質仲keep得幾幼滑，唔錯唔錯！黃金蝦一定係全晚之最，咸蛋份量比例算適中，起碼唔會搶晒啲味。剛剛食過勁難食o既蝦，呢碟蝦馬上變成一百分咁滯，不過啲蝦肉確實係夠實淨，感覺亦夠新鮮！！總算冇失望而回。