影片
更多
2011-02-19
21 瀏覽
終於都來到＜Caffé Vergnano 1882＞幫襯喇！是晚去到門口，跟著職員入去坐下，o依.....乜間鋪咁細嘅？係門外睇入去仲以為好大好多位添，原來又唔係喎！只是樓底高，又有大窗睇到外面，才感覺鋪面大而已，唔怪之得有時經過門口有人等位啦，原來咁細間咁少位。沙化很大很四方，但枱就很細小了....因為枱面又有個介紹飲品的座枱牌又有一大個袋糖器皿，加多兩杯水係到真係好阻掟呀，所以之後都叫職員拎開佢喇。今次點左好幾款食物飲品：＜意式雜菜湯 Minestrone $38＞Homemade traditional mixed vegetables and fresh basil soup＜百利甜酒泡沫咖啡 Cappuccino Baileys $39 (Regular)＞Espresso with equal portions of milk, foam and Baileys＜辣蕃茄汁長通粉 Penne Arrabbiata $68＞Penne with tomato chilli sauce＜特濃朱古力咖啡 Marocchino Speciale $38 (Regular)＞Espr
是晚去到門口，跟著職員入去坐下，o依.....乜間鋪咁細嘅？係門外睇入去仲以為好大好多位添，原來又唔係喎！只是樓底高，又有大窗睇到外面，才感覺鋪面大而已，唔怪之得有時經過門口有人等位啦，原來咁細間咁少位。
沙化很大很四方，但枱就很細小了....因為枱面又有個介紹飲品的座枱牌又有一大個袋糖器皿，加多兩杯水係到真係好阻掟呀，所以之後都叫職員拎開佢喇。
今次點左好幾款食物飲品：
＜意式雜菜湯 Minestrone $38＞Homemade traditional mixed vegetables and fresh basil soup
＜百利甜酒泡沫咖啡 Cappuccino Baileys $39 (Regular)＞Espresso with equal portions of milk, foam and Baileys
＜辣蕃茄汁長通粉 Penne Arrabbiata $68＞Penne with tomato chilli sauce
＜特濃朱古力咖啡 Marocchino Speciale $38 (Regular)＞Espresso with smooth chocolate, milk and chocolate sauce on top
＜意式巴拿馬火腿配燒雞胸三文治 Dante $53＞Grilled chicken breast, parma ham, shaved parmesan and Mayonnaise 蛋黃醬
最先來到嘅係＜意式雜菜湯＞，少少一碗，不太濃有點稀，但味道不錯。
之後到我的＜Cappuccino Bailey＞，我叫嘅係Regular，唔知大杯裝會大幾多呢？但呢杯Regular的確係細左Ｄ啫.....
因為我係唔飲有奶嘅啡架，今次點呢杯Cappuccino開頭都有驚驚地唔知會唔會好奶呢？第一啖慢慢淺嚐，o依~~一Ｄ都唔覺奶，啡味也不重，但就好重Baileys味喎！！
之前睇過食評，個個人飲過＜Cappuccino Bailey＞都嫌佢酒味過重冇啡味，但我就覺得係應該架喎，本身Cappuccino都唔重啡味架啦，而家更多了Baileys添，又點會啡味重呢？我就覺得好好飲喇！！！
再唻就係＜辣蕃茄汁長通粉＞，都係好細碟，但可能每條通粉都鋪滿醬汁呢，所以一個人食都覺得飽，辣蕃茄汁的味道都幾好，整體算唔錯。
之後到＜Marocchino Speciale＞上枱，我試飲一啖啦.....嘩吓~~都真係好濃朱古力喎，啡味很啖的，鍾意飲Marocchino一定好愛囉。
最後終於到我的＜意式巴拿馬火腿配燒雞胸三文治＞喇！！
其實都有好多款三文治一選擇，但我除了揀乜涵料外，最重要其實係麵包，因我只會揀又硬又脆果類啫，問過職員提供意見，佢簡介講出邊款包會較脆囉，所以最後揀咗呢款包喇。
上到枱，的確冇介紹錯喎，的確烘的脆脆的少少硬，啱哂我口味！裡面的蔬菜唔知係乜野菜呢？齌食就好苦喇，一定要夾住麵包一齊食先得。
parma ham唔使講梗係帶點肥肥咸咸的，好食，燒雞胸都不錯，夾住parma ham一齊食更好，好味！
埋單連加一＄２６０，其實都覺有Ｄ貴，好彩和款食物味道都不錯，環境又幾好，ＯＫ啦！相信都會再翻兜嘅！！
網誌：http://hk.myblog.yahoo.com/hoie-1217/article?mid=16070
張貼
