辦館 (雅蘭中心) (已結業)

冬天落住雨又凍又大風，唔想搵連鎖咖啡店飲野，係旺角行行下亂打亂撞入左嘉蘭中心，見到辦館有bar可以坐低飲下嘢，休息下。食完lunch唔想飲有奶嘅嘢飲，就叫左哩個Peach Tea暖一下。完全唔係人造味道，雖然顏色濃，但係飲落去啱啱好，唔會太甜。茶嘅溫度亦好熱，可以保持到飲完為止，唔錯唔錯。我地飲嘢就坐係bar嘅高凳度，入面都有木箱檯凳，可以order嘢食食下午茶。不過咖啡同茶嘅杯裝較細，其實都夠飲，但係感覺上就好似貴d咁哈哈。