影片
更多
2022-09-15
642 瀏覽
今次係第二次食影の鳥，諗起book第一次去食嘅經歷，係個網到折騰左90分鐘先book到位，最後重要因為疫情delay左成個月轉食lunch。一切都好似尋日發生嘅事。餐廳都開左半年有多，雖然易左book位我地都早左一個月book。我地去呢一日係平日重要係星期一夜晚，但見到都係爆場，就知道老闆們有幾吸引。經過左第一次今次決心要encore上次食過嘅好西首先念念不忘嘅一定係雞皮烏冬!!不過太好食，我地連相都唔記得影牛油果黑松露帆立貝沙律 $138黑松露勁多，撈埋啲菜都重係好濃味唔會沖淡左。帆立貝超甜，勁鮮味，唔係雪到無晒味嘅雪藏貨。沙律菜好甜好新鮮，我好怕草青味但呢啲菜完全無事，重有啲甜甜地嘅汁好開胃。鹽燒雞肉串 $48/一串呢款串燒有3隻醬可以揀，我地岩岩好3個人可以試晒!柚子胡椒朋友話比想像中辣、明太子係辣辣地、梅醬係甜甜地唔辣嘅。不過佢嘅梅味唔係酸梅果隻，反而似士多啤梨醬，甜甜地我幾中意。鹽燒和牛粒 $128/一串呢串睇價錢真係好貴，同叫塊牛扒差唔多，但朋友指定一定要食所以忍住荷包痛咁叫左。真係超超超好味，未食聞落已經好香牛味，一擺入口果陣牛嘅香味即刻充斥晒成個口，肉質重要入口即溶。吞
經過左第一次今次決心要encore上次食過嘅好西
首先念念不忘嘅一定係雞皮烏冬!!不過太好食，我地連相都唔記得影
牛油果黑松露帆立貝沙律 $138
黑松露勁多，撈埋啲菜都重係好濃味唔會沖淡左。帆立貝超甜，勁鮮味，唔係雪到無晒味嘅雪藏貨。沙律菜好甜好新鮮，我好怕草青味但呢啲菜完全無事，重有啲甜甜地嘅汁好開胃。
鹽燒雞肉串 $48/一串
呢款串燒有3隻醬可以揀，我地岩岩好3個人可以試晒!柚子胡椒朋友話比想像中辣、明太子係辣辣地、梅醬係甜甜地唔辣嘅。不過佢嘅梅味唔係酸梅果隻，反而似士多啤梨醬，甜甜地我幾中意。
鹽燒和牛粒 $128/一串
呢串睇價錢真係好貴，同叫塊牛扒差唔多，但朋友指定一定要食所以忍住荷包痛咁叫左。真係超超超好味，未食聞落已經好香牛味，一擺入口果陣牛嘅香味即刻充斥晒成個口，肉質重要入口即溶。吞左落肚之後個口都重係勁香牛味，想講呢串和牛雖然貴過一塊牛扒，但佢絕對值得!
燒魚翅乾 $98
原本以為係燒到好dry果種魚乾，點知黎到食落口重係好juicy嘅，重要無腥味，食落口重有啲甜甜地，好適合送酒
煙燻雞肉刺身 $128
呢個第一次食完真係返尋味一定要叫返!但同第一次比好似細條左，唔知係唔係因為細塊左所以覺得比之前鹹，如果送酒就應該ok嘅，但我地無叫酒飲就覺得太鹹了。上菜果時店員會比時間你set機影相拍片，個效果打卡真係一流嘅。
月見燒雞肉棒 $58
第一次黎食果時店員話係肥仔推介嘅，同出面食到嘅雞肉棒真係唔同，最特別就係個汁，覺得比出面嘅香同埋甜，個汁同附送嘅蛋超夾!個蛋一定唔會用得晒，用黎點之前叫左鹹左少少嘅雞肉刺身就岩岩好啦
玉子燒 $78
蛋味好濃，整得夠軟熟唔會熟晒，不過我唔太中意甜食，唔係特別中意。
黃金鱈場蟹卷 $198
呢個又係食過返尋味一定要再叫嘅好西!蟹味果種清新配上濃厚蟹膏，簡直係絕配。之前聽店員講係阿jer推介嘅，柳炒必食啦!
燒飯糰 $58
就咁食就真係有啲齋嘅，上一道鱈場蟹卷配果碟蟹膏醬真係太多，點晒之後都重有剩就叫左飯糰去撈蟹膏醬。個醬真係好出色，撈到咁樣都係只有鮮味但唔會死鹹，呢個另類方法大家可以試下，唔好暴殄天物浪費左個咁出色嘅醬。
茶漬飯 $78
本身我麻麻地泡飯嘅所以無叫，但朋友想試就叫左，無諗過原來茶漬飯係可以咁好食!照字面睇我一直都以為係搵茶去泡啲飯，不過佢呢到用嘅係高湯，有陣淡淡嘅茶味不過唔係好濃，但個湯頭好鮮甜，撈埋個飯糰去食好惹味，都唔會食到好漏。
Kibou no juice $48
即係蘋果汁，我唔飲得凍嘢店員好甜心咁幫我落左唔凍，其實只係唔加冰。蘋果味好濃，但我覺得甜左啲，可能加左冰會岩岩好，可惜唔飲得凍
Peach Soda $48
朋友飲嘅表示桃味勁濃，雖然唔係自製但中意桃嘅朋友唔好錯過!
每次食完餐廳都會送返啲小禮品可以拎走，呢樣心意真係好貼心。上次3月黎係送擴香石，今次係送搓手液，真係超岩洗!另外餐廳另一個貼心位係起廁所，入面有擺漱口水，大家食完飯如果覺得味道太濃嘅可以幫襯下個廁所，清一清啲口氣。一間餐廳可以考慮到客人食完飯之後嘅需要真係令人覺得好暖心。始終影の鳥價格都係算係高價位嘅，晚餐最低收費人均$500，平時我呢啲平民都係食開人均$200嘅餐廳，自然希望一間屬於中高價位嘅餐廳會細節位上面做得細心啲。
btw我地食完問店員，第二日已經轉menu啦，有部份菜式都轉左，大家去食之前記得睇清楚book位網上面嘅menu啦!
門口個玻璃櫃係鏡粉必影嘅打卡位，上面重有好多鏡粉擺晒應援
雖然我係忠實鏡粉，但呢間餐廳真係睇得出係用心經營唔係開出黎呃粉絲錢嘅餐廳，課金課得好滿足
張貼
