影片
更多
2010-07-18
942 瀏覽
電影Twilight成功俘虜世界萬仟少女, 身為中女嘅我, 卻都一樣被迷倒. 還記得睇第一集時, 男主角Robert Pattinson簡直係"秒剎"了我. 對呀, 佢出場10秒內我已經愛上咗佢.轉眼間, 喺一片"只係呃少女, 或自認係少女"嘅影評下, Twilight已經上到第3集. 難得已身為中佬嘅另一半都覺得有興趣"追"個故事, 咁我當然奉陪啦!是夜happy friday, 買咗飛喺太古城director's club睇9:30, 放工仲有時間慢慢食飯. 自己都係喺東區返工, 不過之前未嚟過呢間酒店. 之前曾經有諗過嚟, 但每次都好似有更好嘅選擇. 好啦, 就趁今次試吓啦~由公司搭的士過去只需$30倒. 坦白講, 酒店附近嘅環境實在唔係太好, 只見四周都是車房同舊樓, 而且除咗的士外亦無車可達, 實在好難想像點解會喺呢到開間酒店. 我家小弟將在明年結婚, 亦有到此參觀過場地, 佢當時嘅comment係"好靚". 但係我入到去, um.... 只覺得大堂樓底幾高, 但唔grand, 亦唔覺特別靚.搭lift上到5/F.就到了. 可能因為時間尚早, 一位客人都無. 所以喺未有訂
轉眼間, 喺一片"只係呃少女, 或自認係少女"嘅影評下, Twilight已經上到第3集. 難得已身為中佬嘅另一半都覺得有興趣"追"個故事, 咁我當然奉陪啦!
是夜happy friday, 買咗飛喺太古城director's club睇9:30, 放工仲有時間慢慢食飯.
自己都係喺東區返工, 不過之前未嚟過呢間酒店. 之前曾經有諗過嚟, 但每次都好似有更好嘅選擇. 好啦, 就趁今次試吓啦~
由公司搭的士過去只需$30倒. 坦白講, 酒店附近嘅環境實在唔係太好, 只見四周都是車房同舊樓, 而且除咗的士外亦無車可達, 實在好難想像點解會喺呢到開間酒店. 我家小弟將在明年結婚, 亦有到此參觀過場地, 佢當時嘅comment係"好靚". 但係我入到去, um.... 只覺得大堂樓底幾高, 但唔grand, 亦唔覺特別靚.
搭lift上到5/F.就到了. 可能因為時間尚早, 一位客人都無. 所以喺未有訂位嘅情況下, 亦被安排window seat. 夕陽從外照進, 古色佈置配上中式小調音樂, 很討人喜愛, 有一種好舒服, 好平靜嘅感覺. 加上維港景色, 好感度更要加多幾分. 不過"木台"與"木台"之間都幾迫, 如果滿座時相信都幾嘈.
看一看menu, 作為酒店中菜廳, 價錢實在非常合理. 小菜under $100亦有交易. 另一半很愛咕嚕肉, 所以呢個係必然嘅一樣. 一咬, 外層微脆, 不錯, 汁嘅份量亦剛好掛上在每一件肉排上. 不過個人認為個汁有啲過酸, 有少少令人"咪眼".
看到素食一欄有一樣叫"千絲腐皮卷". 我係一個好鍾意食腐皮嘅人, 所以毫不猶豫就叫了. 腐皮煎得脆口, 所以即使加上"獻"汁亦唔會"林"晒. 腐皮包著豆干絲, 蘿蔔絲等, 是很清淡的一個選擇.
見到menu有東坡肉, 問一問portion會唔會好大呢? waiter 告知大約 3-4人份量. 我地咁大食, 無問題啦, 就叫一個. 唔太肥, 啲汁食得出落咗好多冰糖, 好味!! 想在此讚一讚當晚的waiters, 因為我無叫白飯因為我驚食唔落. 不過佢地因為知個汁要嚟送飯會好好食, 所以佢地俾咗一小碗我, 好彩有要jar, 好好食!! 再加個蒜蓉炒西蘭花, 飽晒!!!
都話我為食, 啱啱話飽, 轉頭睇倒個dessert menu有一個杏仁茶湯圓好想食... 好啦好啦, 都應該食得落. 不過就普通啦.
最後, 店方送了一個椰汁紅豆糕給我們試試. 唔太甜, 都okay.
埋單$700有找, 一定會再嚟.
p.s. 想讚多少少呢間食店細心嘅地方. 我bf係撇子. 當佢一用左手攞起筷子時, waiter即時過嚟幫佢將全套食具搬過左手邊. 值得加分~
張貼
