鮨蕾 (已結業)

今日朋友同我去食生日飯，我地近近地揀左登龍街壽司店。前菜是蒸蛋同香菇牛，蒸蛋一絲不苟有粒好香嘅銀杏，暖而不熱。牛好香淋沒有醬咸味但有帶菇香！兩個午餐 set各有千秋，櫻壽司盛合有好多款壽司，基本上我至愛都有，其中海膽加拖羅蓉最難忘，全部可以做到一d腥都冇。飯本身有調味，唔太需要要加醬油。醋汁小食可以清除口腔本來嘅味道令食壽司時更鮮味。花之盛合有好多食用花，放刺身上面點綴就係令人影相影到唔開始食！午餐份量唔算多但剛剛好，氣氛環境好適合傾計聚舊。餐後有甜點同餐飲，其中益力多雪糕都幾少見。日本餐廳另一特式係洗手間，唔太方便影相，但和式馬桶同嗽口水供應真貼心。