盛寅慢煮製麵 (已結業)

今日去到牛頭角，諗住周圍認識下舊區有咩好食地方，點知搵到間幾有趣的鋪頭，叫做「盛寅慢煮製麵」。見到有D日本feel，所以走入去試試。坐底之後，店員主動講解先知，原來呢間係日本人與香港人開設，所有肉類都係慢煮處理。聽落感覺唔錯，而且睇睇餐牌價錢都好平民化，所以就叫左野來食。順帶一提，雖然佢係小店，但都有QR code落單，勁方便！而且裝潢都幾用心，感覺好舒服。我今次就叫左個期間限定餐，即係壽喜燒牛肉湯烏冬，仲連埋溫泉蛋，個餐仲跟埋野菌油菜。另外，我仲叫左一份日式醬煮牛筋及椒鹽無骨雞翼來食。先講壽喜燒牛肉湯烏冬，我飲完D湯後唔覺得口渴，問返原來係足料煲的，老闆當然無同我講佢個湯底有咩秘方，不過佢都有講佢常設餐牌湯底用料係新鮮，有洋蔥大蒜雞肉去煲，而大地魚蝦米湯都是經老闆改良，每日鮮製！烏冬幾彈口，加埋溫泉蛋，完美呀。另外，野菌油菜清清地，自然菜味出哂來。至於日式醬煮牛筋，食落去唔韌，口感適中。不得不提椒鹽無骨雞翼來食，十分好食，椒鹽味道夠，加哂分。最後我仲叫左黑糖鮮奶珍珠，店員講返佢地無用奶精，純牛奶製作，呢點真係推薦大家飲，好少餐廳唔用奶精！