影片
更多
2015-06-21
1935 瀏覽
上次黎紅磡睇JJ既演唱會已經好想試，但奈何時間唔夠，所以將佢列入下次放假晚餐既名單中到放假個日就黎左呢到食晚餐，有預約同無預約原來係會分開坐，入到去坐低左後見到張墊紙寫住黑色制服既員工係聾啞/弱聽既人士，可以用手語溝通，餐廳亦很窩心地將ABCDE、醬汁及幾成熟既手語放左係Set Dinner Menu後面，不過掛住學手語點餐忘了影今次我同男朋友分別點左個：B(辣茄汁鱸魚意大利飯) & D(西班牙黑毛豬豬鞍架配蜜糖蘋果汁)今晚餐湯係南瓜湯，較為杰身，南瓜味唔太突出，但味道都唔算差！之黎就黎左個意大利飯，對我黎講比較辣，因為我一啲辣都唔食得但男朋友仔就話味道唔錯，幾香！條鱸魚都好滑～無幾耐我個豬鞍架都上到黎，正當我猶疑緊呢個炸物係咩黎既時候，切開一睇，原來係薯菜！真係好過癮！睇得出好用心製作，呢個薯餅都有少少辣，但辣都要食！配埋個蜜糖蘋果汁一流豬鞍架肉質幾彈，唔會太un，而且油香！絕對大推跟餐飲只包基本既檸茶檸水咖啡等等，咁我地當然加錢試其他啦，我就叫左個薄荷朱古力沙冰，男朋友就原先想叫個血橙梳打，但咁岩無貨，唯有轉檸檬梳打，蛋糕無食，因為太飽啦留番下次再黎試！最後值得一提既係，呢間社企除
到放假個日就黎左呢到食晚餐，有預約同無預約原來係會分開坐，入到去坐低左後見到張墊紙寫住黑色制服既員工係聾啞/弱聽既人士，可以用手語溝通，餐廳亦很窩心地將ABCDE、醬汁及幾成熟既手語放左係Set Dinner Menu後面，不過掛住學手語點餐忘了影
今次我同男朋友分別點左個：B(辣茄汁鱸魚意大利飯) & D(西班牙黑毛豬豬鞍架配蜜糖蘋果汁)
今晚餐湯係南瓜湯，較為杰身，南瓜味唔太突出，但味道都唔算差！
之黎就黎左個意大利飯，對我黎講比較辣，因為我一啲辣都唔食得但男朋友仔就話味道唔錯，幾香！條鱸魚都好滑～
無幾耐我個豬鞍架都上到黎，正當我猶疑緊呢個炸物係咩黎既時候，切開一睇，原來係薯菜！真係好過癮！睇得出好用心製作，呢個薯餅都有少少辣，但辣都要食！配埋個蜜糖蘋果汁一流豬鞍架肉質幾彈，唔會太un，而且油香！絕對大推
跟餐飲只包基本既檸茶檸水咖啡等等，咁我地當然加錢試其他啦，我就叫左個薄荷朱古力沙冰，男朋友就原先想叫個血橙梳打，但咁岩無貨，唯有轉檸檬梳打，蛋糕無食，因為太飽啦留番下次再黎試！
最後值得一提既係，呢間社企除左會請一啲身體有少少缺陷既人士做員工外，重係用「細味公平」既產品，好抵讚
張貼
