影片
更多
2022-09-13
270 瀏覽
餐廳：Amina Modern European (尖沙咀)地址：尖沙咀廣東道82-84號流尚坊8樓一個月先出糧一次，點都要豪食返餐好好犒賞一吓辛苦咗成個月嘅自己🥰，今次去咗尖沙咀呢間法國私房菜餐廳Amina Modern European @aminamoderneuropeancuisine ，佢哋2010年開業，由The One開到過嚟流尚坊，堅持喺意大利同法國買入高級食材🇮🇹🇫🇷 ，仲有前酒店資深大廚親自炮製多款充滿歐陸風味嘅手工製精緻分子料理菜式👨🏼🍳，確實有功架👍行入餐廳，柔和嘅燈光同音樂奏出浪漫舒適嘅氣氛🎶，坐低之後店員就比咗Menu我哋揀，有一款6 Course Menu($1080)同兩款9 Course Menu($1380/$1680)，我哋就揀咗前者，今晚full Booking，但喺都無阻我哋享受呢個咁優雅嘅環境😍✝️餐前小食先嚟咗三款自家製嘅餐前麵包：芝士薄脆、法包同香草包，另外有自家製薄薯片。麵包喺餐廳新鮮去整，夠晒心意❤️，鍾意食麵包嘅人一定會大讚！芝士薄脆嘅超鬆化加芝士濃香、法包嘅煙韌口感，配埋佢哋自己製嘅杏桃牛油簡直無得輸🧈；薄薯片面頭放咗三文魚子，中
地址：尖沙咀廣東道82-84號流尚坊8樓
一個月先出糧一次，點都要豪食返餐好好犒賞一吓辛苦咗成個月嘅自己🥰，今次去咗尖沙咀呢間法國私房菜餐廳Amina Modern European @aminamoderneuropeancuisine ，佢哋2010年開業，由The One開到過嚟流尚坊，堅持喺意大利同法國買入高級食材🇮🇹🇫🇷 ，仲有前酒店資深大廚親自炮製多款充滿歐陸風味嘅手工製精緻分子料理菜式👨🏼🍳，確實有功架👍
行入餐廳，柔和嘅燈光同音樂奏出浪漫舒適嘅氣氛🎶，坐低之後店員就比咗Menu我哋揀，有
一款6 Course Menu($1080)同兩款9 Course Menu($1380/$1680)，我哋就揀咗前者，今晚full Booking，但喺都無阻我哋享受呢個咁優雅嘅環境😍
✝️餐前小食
先嚟咗三款自家製嘅餐前麵包：芝士薄脆、法包同香草包，另外有自家製薄薯片。麵包喺餐廳新鮮去整，夠晒心意❤️，鍾意食麵包嘅人一定會大讚！芝士薄脆嘅超鬆化加芝士濃香、法包嘅煙韌口感，配埋佢哋自己製嘅杏桃牛油簡直無得輸🧈；
薄薯片面頭放咗三文魚子，中間夾住羶香嘅白鴿肉，我都喺第一次試，蘸埋兩邊嘅黑醋同紅椒粉就更加滋味😋
✝️波爾多牛肉他他配法式鵪鶉蛋及鱘魚子醬
下層用咗波爾多牛肉🐮、蕃茜、香蔥等5款材料手打切碎再撈勻整成嘅牛肉他他，上層有鱘魚子醬，面頭加上用金箔點綴咗嘅法式鵪鶉蛋，蘸旁邊嘅芥末醬，未食都感覺高貴😌，帶嚟觀感同味感上嘅享受，食落一啲都唔腥，牛肉同魚子醬嘅雙重鮮味衝擊下真喺好難抵擋
✝️原種蕃茄忌廉濃湯及切羅基蕃茄清湯
慢煮6個鐘去熬製嘅蕃茄湯🍅，用咗兩種整法帶嚟兩種滋味，一清淡一濃味形成強烈對比。
先品嚐蕃茄清湯嘅鮮香，
再試試蕃茄濃湯燉蛋嘅滑溜口感，相信成日飲蕃茄湯嘅你，試完之後一定會對「蕃茄湯」呢個名有全新嘅定意同體會✨
✝️慢煮牛肋條布里歐和胡蘿蔔配松露汁
布里歐喺一種高級法式麵包，用咗高比例奶油同雞蛋去整🥚，食落香甜有空氣感，內層相當柔軟，蘊含香噴噴嘅奶油同蛋香，
布里歐包住慢煮手絲牛肋條肉，賣相精緻。鹹甜嘅夾擊、包嘅鬆軟同肉嘅軟嫩，充滿層次同啖啖驚喜🎉，仲可以蘸埋松露汁泡泡同食埋帶有鮮橙香嘅胡蘿蔔🥕，勁有心思🥳
✝️雪葩配鮮紅石榴及泡沫
喺品嚐主菜之前食返個雪葩清清口腔同味蕾，清新冰涼嘅熱情果雪葩，以紅石榴同紅石榴泡沫提昇整體新鮮清香嘅口味🫧，夠晒fresh🌱
✝️慢煮龍蝦尾及龍蝦鉗肉配西洋菜忌廉湯
將龍蝦尾同龍蝦鉗肉慢煮，保留咗龍蝦嘅原味🦞，肉質相當彈牙細膩，配上新鮮蘆筍，淋上西洋菜忌廉湯，更加襯托出龍蝦嘅鮮味，你覺得自己喺食緊龍蝦配忌廉汁，定喺龍蝦肉忌廉湯呢🤪
✝️甜品
最後嘅甜品有主廚推介嘅豆腐焦糖燉蛋，同餐廳打卡招牌Petit Four🍫。
焦糖燉蛋成日食，融合咗豆腐同燉蛋一齊食你又試過未？嫌焦糖燉蛋單調？配埋薑汁同檸檬汁比你有多重味蕾嘅衝擊，口感同滋味大大提升，加咗兩款汁食落仲無咁甜膩👏；
最後嘅Petit Four喺充滿陣陣菠蘿同檸檬味嘅自家製棉花糖☁️，有別於我哋平時食好Airy嘅棉花糖，呢度以水果嘅清香味為主，食落唔會好甜令人卻步，口感軟彈，食完第一啖就停唔到口，加上4粒法式朱古力，最重要最重要緊喺可以喺甜品碟上免費寫字✍️，為你一齊去享用晚飯嘅人送上一份祝福同驚喜🎊，一齊影返張相📸，喺呢餐飯最後畫上完美嘅句號☺️趁住依家經OpenRice訂位午市有5折同晚市有8折優惠真喺平好多，我緊喺唔會錯過呢啲咁筍嘅promotion啦🤩
張貼
