海記合桃坊甜品 (已結業)

第N次幫襯。 今次叫左芋圓紫薯香芋雪樂冰同士多啤梨雪樂冰豆花。 可能人多又預左旺場，芋圓一早已經整定多啲，所以有明顯煮得比平時稔既情況。 不變既係紫薯依然好味同好飽。 因為香芋雪樂冰好有驚喜，諗住試埋其他所以就叫個士多啤梨。 點知中伏。 佢有落啲士多啤梨醬搞到個味好怪，化學得滯。 情願佢淨係得豆花同個冰，清啲但反而唔會夾唔埋。 因為店面得兩個伙記做落單上菜執野出外賣同安排派飛入座，所以下次要等少啲人個時再黎試下佢，睇下今次失左少少準係咪因為比平時多人先。