影片
更多
2020-09-02
1046 瀏覽
喺香港既vegan應該冇乜邊個唔識VeggieSF。以前成日以為食素就只係得啲齋滷味、素肉同埋沙律可以食，但自從認識左VeggieSF之後，先發現原來素食可以有咁多款式，咁多變化，同埋可以咁好味，就算係非素食既朋友都對佢地讚不絕口。雖然依度幾款burger都好吸引，但之前已經食左好多次burger，今次就試下啲main啦！海南雞飯同喇沙都係朋友點既，賣相同味道都非常好。我就叫左個Trip to Bali，食完就真係好似去左轉峇里咁條豆製品扮蝦扮得十分出色，淨係睇真係會比佢地呃到。其他配菜都好好味，有素蝦片依樣真係好surprised。大家估唔估到素帶子係咩做架呢？佢地冇用到素肉，而係用左啲大啡菇掟黎扮帶子，又扮得幾好喎。估唔到可以物盡其用，連粒菇掟都食埋，而且仲好入味。雪糕係來自本地純素雪糕品片Harmony既出品，冇奶但都好香滑，唔會輸比啲用奶做既雪糕。加埋pat cream，雖然係素食，但其實都係一個十分邪惡既組合。最後要推介埋個Rainbow cake，真係好靚！六層蛋糕每層都有唔同顏色，齋睇都已經好開心。如果想食既話記得打黎check左先，因為唔係日日都有架。另外仲可以原個蛋糕
雖然依度幾款burger都好吸引，但之前已經食左好多次burger，今次就試下啲main啦！海南雞飯同喇沙都係朋友點既，賣相同味道都非常好。
我就叫左個Trip to Bali，食完就真係好似去左轉峇里咁條豆製品扮蝦扮得十分出色，淨係睇真係會比佢地呃到。其他配菜都好好味，有素蝦片依樣真係好surprised。
大家估唔估到素帶子係咩做架呢？佢地冇用到素肉，而係用左啲大啡菇掟黎扮帶子，又扮得幾好喎。估唔到可以物盡其用，連粒菇掟都食埋，而且仲好入味。
雪糕係來自本地純素雪糕品片Harmony既出品，冇奶但都好香滑，唔會輸比啲用奶做既雪糕。加埋pat cream，雖然係素食，但其實都係一個十分邪惡既組合。
最後要推介埋個Rainbow cake，真係好靚！六層蛋糕每層都有唔同顏色，齋睇都已經好開心。如果想食既話記得打黎check左先，因為唔係日日都有架。另外仲可以原個蛋糕訂，一班人慶祝生日切開見到咁靚一定好開心架啫
張貼
