更多
2020-10-27
799 瀏覽
五季禪食係健康工房旗下既餐廳,提供以養生為主既食品。佢個位置喺花墟,入到去個感覺都幾chill,可惜佢關門時間比較早,如果食晚飯既話時間有啲難就,所以黎食lunch會好啲。好耐之前黎過一次,果陣好似就係得一個菇麵,今次黎發現餐牌上面仲多左餃子。雖然都想試,但食野切忌眼闊肚窄,所以都係食完個麵先決定加唔加餃子啦。個菇麵好足料,有松茸、蟲草花、猴頭菇同冬菇,湯底亦非常濃郁。如果鐘意食辣,仲可以加埋啲辣蘿蔔乾。蘿蔔乾都幾辣下,唔太食得辣既話就續少續少咁加會好啲。食完個麵都已經幾飽,唯有下次再黎試餃子啦。除左食物外,依度都有啲環保用品賣,見到依對用毛巾摺既兔仔好得意,唔知有冇人想帶佢地返屋企呢。
張貼