八沢 (霎東街) (已結業)

聽朋友講依度有素烏冬食，黎開依頭就幫襯下啦。Menu有4款素烏冬，其中一款有芝士，餘下既都係冇蛋奶既vegan之選。叫左個什菌野菜烏冬黎試。一拎上黎有啲嚇親，乜個湯底同清水一樣架？即刻試下味，好彩原來係有啲菇味，唔算濃郁，係走清新路線。啲配料都算多，啲菇又整得幾入味咁，烏冬就普普通通冇乜特別。食完個烏冬唔係好夠飽，但依度啲小食似乎都唔係好vegan friendly，唯有搵下場去填飽個肚。依廛古烏冬咁啱經過試下都ok，特登黎就唔洗喇。