影片
更多
2021-05-03
778 瀏覽
黃埔既巧饍坊本來係一間普通既肉食餐廳，喺一兩年前轉型為素食餐廳，店面仲有好多佛教既擺設，相信店主都係因為宗教而唔想殺生，所以將餐廳變成素食餐廳。可以做得咁徹底真係唔簡單，好值得支持。本身黎係諗住食點心，但見到個超抵食既lunch menu又有啲心癢癢，所以叫左個黎試。Lunch set有湯有飯有餸，仲要唔加一唔收茶錢，真心抵食。枝竹羊腩煲雖然唔係煲仔上，但都夠熱辣辣，有勁多枝竹，啱哂我胃口。白蘿蔔如果可以炆耐少少就好，唔係幾夠味同埋有少少硬。跟住黎到我最想食既點心ssssss喇！問左阿姐啲點心有冇邊款係有蛋奶，佢話全部都冇蛋奶喎，好我信佢！先黎一個XO醬豉油皇炒腸粉，好夠鑊氣，又唔會太油膩，唔錯唔錯。斑斕蓮蓉包個皮唔會太厚，餡料足，原來蓮蓉同斑斕味都幾夾，細細個咁幾好，可以留肚食其他野。紅棗糕個texture比較偏硬，層次略嫌唔夠分明，果然紅棗糕係心齋既最好食。最後送上既咸水角，個display已經贏哂，好有氣派。紅蘿蔔造型既咸水角好可愛，個皮夠煙韌，都係我鐘意食既味道。繼愉景灣既Hemingway's之後，依間係第二間我幫襯過由葷轉為素既餐廳。好開心啲店主可以放下屠刀，而轉型後都做出
本身黎係諗住食點心，但見到個超抵食既lunch menu又有啲心癢癢，所以叫左個黎試。Lunch set有湯有飯有餸，仲要唔加一唔收茶錢，真心抵食。枝竹羊腩煲雖然唔係煲仔上，但都夠熱辣辣，有勁多枝竹，啱哂我胃口。白蘿蔔如果可以炆耐少少就好，唔係幾夠味同埋有少少硬。
跟住黎到我最想食既點心ssssss喇！問左阿姐啲點心有冇邊款係有蛋奶，佢話全部都冇蛋奶喎，好我信佢！先黎一個XO醬豉油皇炒腸粉，好夠鑊氣，又唔會太油膩，唔錯唔錯。
斑斕蓮蓉包個皮唔會太厚，餡料足，原來蓮蓉同斑斕味都幾夾，細細個咁幾好，可以留肚食其他野。
紅棗糕個texture比較偏硬，層次略嫌唔夠分明，果然紅棗糕係心齋既最好食。
最後送上既咸水角，個display已經贏哂，好有氣派。紅蘿蔔造型既咸水角好可愛，個皮夠煙韌，都係我鐘意食既味道。
繼愉景灣既Hemingway's之後，依間係第二間我幫襯過由葷轉為素既餐廳。好開心啲店主可以放下屠刀，而轉型後都做出好味既食物，令人繼續支持，好值得其他同業參考。
張貼
