Cafe YAWN (已結業)

呢間Café位置有啲難搵，去到先知道成條希雲街都有唔少特色Café，見呢度有素食餐單，於是試吓。點咗一個什菌口味嘅滋味薯粒熱鍋 (可以揀煙肉口味或什菌口味)，鐵板上，熱辣辣香噴噴，賣相又好，齋睇已經覺得好吸引! 薯粒做底，炒得非常香，加入其他雜菜，例如什菌、青椒、黃椒、洋蔥等等，有好口感，亦有唔同層次嘅味道，最正係面頭鋪咗一層厚厚嘅芝士，隨住鐵板嘅熱力慢慢溶化，的確係愈食愈滋味，個半熟蛋亦非常出色，伴炒得香噴噴嘅雜菜同芝士，又係另一種味道同口感。 成個鍋$75，價錢唔算平，不過性價比高，份量亦唔細，見有男客人都係點一個鍋當一餐，我諗冬天食嘅話更加正! 總括嚟講，值得一試!