影片
更多
2019-02-22
52 瀏覽
為左健康及環保原因，近年開始一星期會選一天食素。今日lunch，就上左openrice 搵下公司附近有咩素食選擇。結果見到呢間連名都唔識讀既印度餐廳有幾多正評，又喺亞士厘道幾就腳，於是上去試下……上到去，環境都幾寛敞，唔會同隔離枱好近，仲有幾張枱喺露台，如果好天坐出面食都幾特別。眼見在坐6-7成都係印度/南亞人，估計呢間印度菜都幾正中。打開menu, 有好多選擇，set lunch 大約$70-$100左右。我地第一次黎，想試多啲野，於是散叫。雖然都是素食，種類十分多﹕湯、前菜、小食、南印度菜、北印度菜、煎餅、烤餅、麵餅……菜色分分鐘多個茶餐廳，食足一個月都唔會悶。Palak Paneer (芝士菠菜)第一次食paneer, 類似印度版cottage cheese. 上網查返原來印度菜都幾常用呢款芝士，有啲地方譯作豆腐乳酪。芝士本身較淡，質感似豆腐，但好吸味，配埋菠菜蓉，清清地幾好食，感覺又健康。下次試下其他paneer 的菜式先。Kadai Vegetable (印度咖喱蔬菜) 味道OK, 香料重但唔辣既咖喱，啱晒我呢啲唔食得辣既人。個菜入面主要有洋蔥、青紅椒、蕃茄等。叫呢個菜主要
今日lunch，就上左openrice 搵下公司附近有咩素食選擇。結果見到呢間連名都唔識讀既印度餐廳有幾多正評，又喺亞士厘道幾就腳，於是上去試下……
上到去，環境都幾寛敞，唔會同隔離枱好近，仲有幾張枱喺露台，如果好天坐出面食都幾特別。眼見在坐6-7成都係印度/南亞人，估計呢間印度菜都幾正中。
打開menu, 有好多選擇，set lunch 大約$70-$100左右。我地第一次黎，想試多啲野，於是散叫。雖然都是素食，種類十分多﹕湯、前菜、小食、南印度菜、北印度菜、煎餅、烤餅、麵餅……菜色分分鐘多個茶餐廳，食足一個月都唔會悶。
Palak Paneer (芝士菠菜)
第一次食paneer, 類似印度版cottage cheese. 上網查返原來印度菜都幾常用呢款芝士，有啲地方譯作豆腐乳酪。芝士本身較淡，質感似豆腐，但好吸味，配埋菠菜蓉，清清地幾好食，感覺又健康。下次試下其他paneer 的菜式先。
Kadai Vegetable (印度咖喱蔬菜)
味道OK, 香料重但唔辣既咖喱，啱晒我呢啲唔食得辣既人。個菜入面主要有洋蔥、青紅椒、蕃茄等。叫呢個菜主要為左點naan 食
Butter Naan (牛油麵餅)
Naan 比起我之前喺其他餐廳食開既薄身，冇咁滯。牛油味聞落好香，但食又唔會油淋淋，抵讚!
Devil Potato (魔鬼辣薯仔)
個名都幾驚嚇，食落又唔係好辣，用譚仔標準大約係十小辣(當然唔係同一種辣啦)，總之我接受到既辣，又有少少剌激。呢個幾好食，會encore.
整體黎講都唔錯，款式種類又多，推薦食素既朋友仔黎食。
6 瀏覽
0 讚好
0 留言
張貼
