家素素食私房菜 (已結業)

開咗唔係好耐嘅全素飯堂，佢中午就會有指定嘅三至四個客飯餐，夜晚就會有素菜嘅私房菜，今日我哋就試吓佢嘅午餐。佢會首先有個小食嘅拼盤，會有一個紅火龍果，炸芋頭同埋我比較鍾意食呢個黑豆，食落好似鐵蛋嘅感覺，但係又會好甜，好得意嘅前菜。今日叫咗個天使麵做主菜，煮法係西式的煮法，類似卡邦尼亞意粉嘅味道，但係佢用咗天使麵會更加吸收左忌廉嘅味。而且佢哋係冇用到任何嘅肉類，但係用咗菇更加有口感，而且同軟身嘅天使面個對比好大。除咗前菜主食之外仲會有個餐湯同埋豆漿，豆漿唔係普通嘅黃豆。豆漿係用咗五穀類整嘅豆漿，所以會較稠身，但係纖維非常之豐富。