素食一家 (已結業)

朋友因為屋企人既關係，初一、十五總會去食齋，得知我今日去旺角，話一定要去試試素食一家。自問食素既次數唔算多，進入店內已覺得有別於一般齋鋪，好多卡位方便客人傾計，而唔會影響隔離。間隔闊落、給予一種寧靜舒適既感覺，修身修❤️餐牌菜式好多！除左有傳統既菜式外，仲有Pizza、刺身拚盤、川式系列。第一次幫趁 ，穩陣起見當然先試下傳統菜式啦！齋滷味拼盤（55元）齋滷味各種味道都唔錯，本人覺得酸齋味道可口醒胃。香煎竹笙腐皮卷（88元）外皮香脆，而餡料中有云耳、 冬菇、竹笙。云耳、冬菇爽滑，有菇香味。加入竹笙增加左爽脆，而少少醬汁令到原本香脆可口既美食味道更豐富。秘製一家蓮藕餅（78元）朋友喜歡既蓮藕餅，外面用兩片薄薄既蓮藕片，中間係香芋蓉，炸到金黃。蓮藕爽脆同芋蓉香綿意想唔到咁夾，唔覺油膩！松子黑松露炒飯（88元）原來齋炒飯係可以咁好味！雖然黑松露唔算好香濃，配料看似簡單。但是更顯出師傅既功夫，飯粒炒到乾爽又唔油膩！芥蘭粒同松子增加左炒飯既口感！好好味！整體感覺良好，下次想試下唔同嘅菜式。盤菜睇落唔錯喎！