影片
更多
2020-02-17
2208 瀏覽
homeoffice左咁耐,今日趁住假日終於可以出一出去,今日去到南昌新商場vwalk行下,見到一間新既素食自助餐好似幾吸引,素食我一向都唔抗拒,城中既素食自助餐都試過好幾間,而呢間將會係我新bookmark之一😋餐廳內裏樓底高而且空間好大,燈光又夠光猛.外牆加上手繪圖畫好有心思.外面食品區種類多夠晒多元化,由冷盤,熱湯,水果,沙律,炸物,熱盤到甜品都十分多選擇.食物排得整齊而且整潔,仲周不時見到店員清理枱面.餐廳因最近既疫情都係餐點上做左少少改動,每枱都會有點餐紙,供食客自由點選以避免食物暴露於空氣太耐.適逢今日撞正星期日,素一會為每位食客送上一份素鮑魚同一壼素燉湯.素鮑魚個樣同真鮑魚真係好似樣！仲要大大粒,加上口感同平時食既都好相似.燉湯十分清甜,有姬松茸,粟米,南北杏,入口先有南北杏既杏香味,然後粟米同菌香味慢慢滲出.除左星期日限定既鮑魚燉湯外,星期1-5都有限定既咕嚕肉,今次無緣食到,唯有下次平日再黎試！點餐紙上有日式料理同炸物.素食壽司既選擇估唔到有咁多種類,一於黎返個壽司拼盤先！三文魚,吞拿魚同墨魚用左蒟蒻黎製作,口感都幾似.當中我覺得味道最似係煙肉,煙鴨胸同櫻花大蝦壽司😋
餐廳內裏樓底高而且空間好大,燈光又夠光猛.外牆加上手繪圖畫好有心思.外面食品區種類多夠晒多元化,由冷盤,熱湯,水果,沙律,炸物,熱盤到甜品都十分多選擇.食物排得整齊而且整潔,仲周不時見到店員清理枱面.
餐廳因最近既疫情都係餐點上做左少少改動,每枱都會有點餐紙,供食客自由點選以避免食物暴露於空氣太耐.
適逢今日撞正星期日,素一會為每位食客送上一份素鮑魚同一壼素燉湯.素鮑魚個樣同真鮑魚真係好似樣！仲要大大粒,加上口感同平時食既都好相似.燉湯十分清甜,有姬松茸,粟米,南北杏,入口先有南北杏既杏香味,然後粟米同菌香味慢慢滲出.除左星期日限定既鮑魚燉湯外,星期1-5都有限定既咕嚕肉,今次無緣食到,唯有下次平日再黎試！
點餐紙上有日式料理同炸物.素食壽司既選擇估唔到有咁多種類,一於黎返個壽司拼盤先！三文魚,吞拿魚同墨魚用左蒟蒻黎製作,口感都幾似.當中我覺得味道最似係煙肉,煙鴨胸同櫻花大蝦壽司😋煙肉同鴨胸既煙薰味好香,大蝦真係食到蝦味十分有驚喜！壽司醋飯用上珍珠米而且粒粒分明咬落煙韌,飯唔會太大舊之餘又唔會一夾就散.
蘿蔔灌漿用左腐皮包住蘿蔔絲炸起,十分鬆脆而且內裏蘿蔔絲好香甜,咬落又唔會油淋淋,十分惹味！
素鵝及腐皮卷都炸得脆身,腐皮卷內餡十分豐富,有粉絲,韮王,木耳,雖然全部都係素菜但依然十分夠味,一d都唔單調.
Pizza餅底夠薄脆,加上菠蘿,蜜桃配長千島醬同芝士食落同平時既帶肉pizza味道無咩分別,素食pizza仲健康d！
蜜汁叉燒用左麵根製成,蜜汁燒得好香,帶焦香味.
炸羊肉串既孜然粉味香,炸漿夠薄同乾身,外層既炸漿又唔會淋晒.
蒸點既素菜餃十分色！皮夠薄略帶煙韌及軟綿既感覺,內裏滿滿素菜但十分鮮嫩香滑.
甜品既蛋撻仔新鮮出爐,曲奇底味夠香脆而且又唔會過厚.內裏蛋漿好香滑蛋味又夠濃,一口食晒好滿足.
黑芝麻菲林卷,黑芝麻好濃香又唔甜.食落Q彈又唔會過厚.
中式糖水真係必試！紅棗雪耳南北杏桃膠同香芋紫米露唔會好甜而且好用心製作.紫米露芋香味濃每啖都食到芋頭粒,好粉香.桃膠連香甜既紅棗糖水食十分滋潤.
張貼
