麵賜園 (已結業)

經過女人街俾呢個龍鳳霓虹燈吸引住，全間餐廳嘅裝修走香港風格，除咗入邊有好多個霓虹燈裝飾之外，牆身仲有一個用花碼寫成嘅餐牌，而且有部份嘅餐具仲要係公雞碗。呢一啲細節真係睇得出店主嘅心機👍鐵三角蠔蝦蟹海鮮湯麵 $118落單係採用QR Code 形式，配料例如蔥同埋麵既軟硬度都可以選擇，至於麵底分別有拉麵、扁拉麵同埋稻庭烏冬。最貼心既位係可以走芫茜啊🥺！加分加分❤️今次我揀咗扁拉麵，麵質比一般拉麵掛湯。湯底帶濃郁蝦味，飲得出比咗成擔心機去做呢一個無味精既海鮮湯底。當中蝦同蠔用咗炸嘅方式去處理，食落去更香口。此外入邊仲有松葉蟹肉同埋元貝，海鮮彈牙又新鮮🤤 另外呢個套餐仲奉送麻辣木耳，作為前菜真係好開胃👍賣一碗蝕一碗湯麵 $80 +$8 轉稻庭烏冬套餐跟咗隻流心蛋，而湯底係海帶豆腐湯底，當中更加入赤味噌，飲落帶日式風格。值得一提呢道菜同時適合素食者，入邊包含咗幾種唔同嘅種類嘅菇，當中更有日本舞茸同埋竹笙，所以食落唔怕會太單調。另外我+$8 轉稻庭烏冬，軟綿綿既口感更特顯到日式既感覺。素蘇格蘭炸蛋 跟餐+$45素豬肉包住溏心蛋，表皮炸得微脆，配合埋呈現啫喱狀既糖心蛋。唔講唔知呢個素食，同埋佢唔油膩，