2DP (已結業)

2DP已經成為我飯堂之一喇，因為鐘意佢地嘅新派素食，又好味又好健康😋.除左每次嚟必食嘅甜品之外，今次仲試左原隻菠蘿炒椰菜花飯🍍，賣相就好似泰國菜🇹🇭食到嘅菠蘿炒飯一樣，但係佢用左椰菜花🥦取代飯，食落冇咁滯，另外仲用上素肉碎、雞蛋、素肉鬆、菠蘿、提子乾同腰果，材料豐富，又唔怕為個胃帶來太大負擔😌.另外仲叫左沙嗲素雞串燒🍢同酥炸茄子粒🍆呢兩個小食，素雞食落真係有啲似雞，沙嗲味好香花生醬味🥜，炸茄子配以沙律菜、油醋汁、巴馬臣芝士、橄欖油，係一個不一樣嘅沙律呀🥗.甜品就叫左士多啤梨🍓窩夫🧇鐵觀音雪糕，最愛佢地嘅茶味🍵雪糕🍦，每次必食呀，另外仲叫左紅棗桃膠燉雪梨🍐，雪梨超淋超入味，又好味又滋潤，養顏之選🥰