素一 (已結業)

早幾日先同朋友食完素，佢又發現一間新開新派素食自助餐。咁就又再食多次了。哈哈。因為分時段入座嘅關係，唔係隨時入得要係門口等一等。發覺原來都幾多人鐘意素菜。夠鐘一進門都已經坐無虛席，侍應姐姐安排我們到一個較入同靜嘅位置。坐低 眼見食物台已有不少人排隊，朋友就急不及待出咗去睇下有咩美食。炒粉麵／炒飯／咖哩薯仔／豆腐粉絲／清炒菜心等，各種熱葷一應俱全。大家都好守規矩咁順時針排隊揀食物。熱葷之外仲有大量天掃羅／炸物：南瓜／青椒／冬菇／秋葵等等。秋葵炸完唔覺油，滑潺潺嘅口感真係令人再三回味。蘿蔔糕香口，都好好食。煎餃子／豆沙煎堆仔味道都唔錯，餃子個餡係蘑菇／蘿蔔／甘荀粒做成，食落唔覺油膩。而豆沙煎堆軟綿綿又甜甜的，好好食。薑醋蛋又係一款必食嘅菜式，熱辣辣而且雞蛋滷煮得好入味，薑醋酸甜比例適中唔會太嗆。冷盤方面有大約6／7種壽司提供。三文魚／吞拿魚／墨魚／海蝦等都做得幾像似。味道當然不及真正的海鮮，但不同顏色的素肉壽司放在，十分吸引眼球，味道如果再配搭芥未醬油都幾清新同錯。可惜嘅係沙律吧嘅選擇少咗啲，但當中有個素XO醬味道真係幾可亂真，用黎配炒麵／炒粉米滋味無窮。甜點／糖水方面，椰汁燕窩一定要食。