喜喜 Hei Hei Club (已結業)

上一個食評係比飲野的﹐有D ﹐今次食午飯﹐只有F 級﹐應該話唔合格X 100倍﹗基本上唔喜歡一些晚間是酒吧而午市用來做食肆的地方﹐通常設計都係怪怪的(因為遷就了酒吧的格局) 。喜喜就係咁樣啦﹐基本設計是長形的吧檯﹐有地方打碟﹐有舞池﹐暗暗的燈光。知道它中午亦有做飯市﹐便訂檯試試。午餐有前菜、餐湯、甜品﹐都是自助形式﹐主菜另叫﹐價錢亦唔算貴。十二時半來到已經滿了八成﹐凡係自助形式的﹐D人通常很早出現﹐自助沙律吧已經有人排隊了。款式不算很多﹐有幾款沙律﹐還有壽司﹐湯一款﹐麵包和甜品等。味道不算新鮮亦唔係十分味美。主菜一共有三款選擇﹐78元有烤雞和其他意粉﹐88元有鱸魚加意粉。那天的主菜真的揀唔落手﹐樣樣都唔對胃口。同事要了88元的鱸魚﹐我就揀烤雞。好奇怪﹐我呢個同事每次同佢食飯﹐佢都揀最貴果樣﹐但最貴唔一定代表最好食播。我的烤雞非常鹹﹐雞肉重霉霉地﹐如果加埋自助沙律和甜品我都會比個OK臉佢﹐不過一講到服務﹐真係火都黎埋﹗先講果度D侍應絕大部份不是香港人﹐看起來似菲律賓人﹐個個都同你講英文﹐咁冇問題﹐因為那裡晚上是酒吧﹐搵D講英文既﹐好似配合番個場囉。我一路都係用英文點菜﹐叫人加茶﹐比熱水等