更多
2021-10-31
1567 瀏覽
萬勝節前閉關温書mode啟動，好想快啲測完驗去玩呀😬！上兩星期去左 The Big Things Playground 玩，順便試吓對面既日系餐廳 「The Big Things Party」, 走文清路線，主打日式輕食，餐廳內種左唔少植物、仲有韆鞦比大家打卡影靚相。臨近Halloween都有啲節日裝飾，氣氛唔錯！食物以輕食日式Fusion菜為主，今次試左幾款都覺得甚有水準。🥪吉列玉子三文治玉子用吉列做法真係第一次試，5-6cm厚玉子炸完一啲都唔鞋唔老，仲好嫩滑有蛋香，甜甜地好好味，一份4件好夠份量，夠晒一家人分享。🐔南蠻炸雞雞塊啖啖肉，加埋三文魚籽同蛋黃醬夠滋味，雞件入味，外脆肉嫩，喜歡炸雞既朋友一定唔好錯過。🍱味噌三文魚六野菜便當唔止賣相色彩豐富，仲好健康添! 有三文魚柳，仲有6款不同蔬菜，西蘭花、南瓜、紫椰菜，小蕃茄等，好適合小朋友同Keep fit中既人士食。🍝三文魚籽明太子忌廉烏冬忌廉汁夠香濃稠杰，三文魚籽鹹香，烏冬掛汁一流又保留到彈口感，阿囡勁鐘意食。試埋兩款甜品：🥧柚子檸檬撻賣相吸引，蛋白霜幼滑，檸檬饀酸酸甜甜好解膩，牛油撻底都夠香同脆，好好味。🍰柚子白朱古力蛋糕粉紅色波
上兩星期去左 The Big Things Playground 玩，順便試吓對面既日系餐廳 「The Big Things Party」, 走文清路線，主打日式輕食，餐廳內種左唔少植物、仲有韆鞦比大家打卡影靚相。臨近Halloween都有啲節日裝飾，氣氛唔錯！
食物以輕食日式Fusion菜為主，今次試左幾款都覺得甚有水準。
🥪吉列玉子三文治
玉子用吉列做法真係第一次試，5-6cm厚玉子炸完一啲都唔鞋唔老，仲好嫩滑有蛋香，甜甜地好好味，一份4件好夠份量，夠晒一家人分享。
🐔南蠻炸雞
雞塊啖啖肉，加埋三文魚籽同蛋黃醬夠滋味，雞件入味，外脆肉嫩，喜歡炸雞既朋友一定唔好錯過。
🍱味噌三文魚六野菜便當
唔止賣相色彩豐富，仲好健康添! 有三文魚柳，仲有6款不同蔬菜，西蘭花、南瓜、紫椰菜，小蕃茄等，好適合小朋友同Keep fit中既人士食。
🍝三文魚籽明太子忌廉烏冬
忌廉汁夠香濃稠杰，三文魚籽鹹香，烏冬掛汁一流又保留到彈口感，阿囡勁鐘意食。
試埋兩款甜品：
🥧柚子檸檬撻賣相吸引，蛋白霜幼滑，檸檬饀酸酸甜甜好解膩，牛油撻底都夠香同脆，好好味。
🍰柚子白朱古力蛋糕粉紅色波波造型，賣相好igable，白朱古力並非我所好，但內層夾着微微甘澀的柚子啫喱，中和了甜度，加埋海綿蛋糕，甜中帶酸，幾有層次感。
配埋兩杯特飲🍹: 士多啤梨櫻特飲和自家種植紫蘇特飲，夠晒fresh解渴。
張貼
