點茶公館 (已結業)

今日我哋去咗南豐紗廠諗住打下卡影相，行行吓覺得有啲肚餓，於是就喺度搵咗間餐廳，呢間餐廳牆上掛滿潮語，係一間新派茶館坐低之後，店員為我哋介紹茶類，有陳皮普洱、紅棗紅袍、蕎麥茶、清香烏龍、福鼎白茶我哋揀咗清香烏龍，味道好清新，而且唔會太濃食物方面我哋叫咗呢度好出名嘅飛機流沙包$34 ，呢個流沙包擺盤好精美，係以飛行棋作為碟上嘅圖案，而每個流沙包上面亦都有飛行棋嘅印章游來游去金魚餃$34，呢個賣相十分可愛，將水晶皮搓成金魚嘅形狀，加上兩隻眼睛，水晶皮唔厚，有口感四川皮蛋$48，呢一個係一款涼菜，係由鹹蛋同埋皮蛋砌成金魚之後我哋仲叫咗一個魚香炸茄子條$78同埋酸菜牛肉泡飯$89炸茄子條好惹味，做到外脆內軟，上面仲有啲辣椒同埋蔥花，食落特別開胃酸菜牛肉泡飯店員會喺我哋面前將卜卜米放落去牛肉上面，加入酸菜湯底，然後將佢哋撈勻，就大功告成，好特別總括嚟講呢間餐廳嘅點心除咗賣相靚之外，仲色香味俱全，其實仲有好多款特色小食同埋點心，但兩個人實在食唔到太多，所以下一次會再嚟試！