影片
更多
2010-07-15
28 瀏覽
同女朋友去睇柯迪夫前想搵個地方醫醫肚咁o岩口痕想食日本野就近近地係集成附近食板長就算順便可以試下佢地賣廣告賣得好行o既金三文魚有幾掂點知....真係唔好意思,俾我o既感覺真係一般過一般隔左成個星期先有時間打呢篇食評,個陣又冇影相所以唔太記得食過d乜我盡寫吧 可能時間仲算係早,未算有太多人,我係門口等個經理(?)帶位個陣仲有一半位未有人坐但個經理好快手咁就叫我地坐係門口隔離o既二人枱呢張枱應該唔會有人主動過要坐,因為每次開門,出面o既熱氣就會攻晒去你背脊你仲有心情去食?真係好想轉位,但女朋友拎住一袋野唔多方便坐bar枱(因為冇位擺野)而冇轉到前面凍後面熱,真係爽到打冷震剌身全部都冇叫過,只得壽司~金三文魚、玉子、北寄貝、甜蝦、天婦羅蝦、柚子油甘、仲有.....一份燒玉子跟住真係唔太記得先講金三文魚點解賣貴一蚊,我相信係因為新鮮少少,即係冇擺過隔夜但如果咁樣就可以唔擺落雪櫃o既,佢地真係對佢地o既食物太有信心叫左4件,全部都係暖o既心諗唔係下嘩....魚生黎個啵,再新鮮都好,冇理由完全唔凍！就算原條DHL黎香港都有一個超大發泡膠盒加超多冰粒去包住舊魚俾你真係即劏都好,都應該會凍,但全部都係
咁o岩口痕想食日本野
就近近地係集成附近食板長就算
順便可以試下佢地賣廣告賣得好行o既金三文魚有幾掂
點知....真係唔好意思,俾我o既感覺真係一般過一般
隔左成個星期先有時間打呢篇食評,個陣又冇影相所以唔太記得食過d乜
我盡寫吧
可能時間仲算係早,未算有太多人,我係門口等個經理(?)帶位個陣仲有一半位未有人坐
但個經理好快手咁就叫我地坐係門口隔離o既二人枱
呢張枱應該唔會有人主動過要坐,因為每次開門,出面o既熱氣就會攻晒去你背脊
你仲有心情去食?
真係好想轉位,但女朋友拎住一袋野唔多方便坐bar枱(因為冇位擺野)而冇轉到
前面凍後面熱,真係爽到打冷震
剌身全部都冇叫過,只得壽司~
金三文魚、玉子、北寄貝、甜蝦、天婦羅蝦、柚子油甘、仲有.....一份燒玉子
跟住真係唔太記得
先講金三文魚
點解賣貴一蚊,我相信係因為新鮮少少,即係冇擺過隔夜
但如果咁樣就可以唔擺落雪櫃o既,佢地真係對佢地o既食物太有信心
叫左4件,全部都係暖o既
心諗唔係下嘩....魚生黎個啵,再新鮮都好,冇理由完全唔凍！
就算原條DHL黎香港都有一個超大發泡膠盒加超多冰粒去包住舊魚
俾你真係即劏都好,都應該會凍,但全部都係暖o既,即係去皮去骨之後就咁擺左係度等切,好野！
***** 以下除左燒玉子同天婦羅蝦壽司外，全部都比上述o既金三文魚凍!!!!!!!! *****
玉子壽司就冇乜特別,冇特別o既原因係冇蛋味亦冇甜味
如果舊玉子唔係黃黃地色,我會覺得自己係度食緊剩壽司飯
北寄貝,$10一件都算係咁,一隻包得晒舊飯,份量上幾好
柚子油甘,一樣我完全唔明點解多少少"所謂柚子"反而會賣平兩蚊o既油甘
反正$8一件食落又有返油甘應有o既味,ok o既
燒玉子,老實講....真係唔知自己食緊d乜,因為既然同玉子壽司o既玉子係出自同一舊野,咁佢冇蛋味同冇甜味亦係意料之內o既事,但個料都係完全冇味...呢下真係好頂癮...
***** 其實佢地係咪好想d客人試真d佢地o既豉油呢 *****
清晒呢堆野之後睇一睇張單,發覺仲有兩件天婦羅蝦壽司未到
咁就叫個侍應埋黎跟一跟
點知佢o既回覆係,炸野係要等耐少少
我心諗,你乜野天婦羅蝦咁勁要我等你炸15分鐘?
一隻中蝦上粉上漿拎住條蝦尾炸唔駛30秒再放心由佢炸熟埋條尾
加埋都唔駛1分鐘,你要我等15分鐘仲要俾d咁o既廢話我聽,你都真係好叻仔
當然我費事佢加料,冇講出聲啦,你估我真係想肚餓收場咩 XD
同呢個侍應講完唔夠1分鐘,兩件炸蝦壽司就即到,好明顯就係漏左單
唔緊要o既,最驚佢冇黎到又收我錢ja
黎到俾錢都唔駛嘈丫嗎
但係呢...隻蝦呢....條腸仲健在
如果係追單附送o既,咁對唔住囉
但呢間,保證唔會再去第二次
隔離個枱俾個經理問左不下三次,仲有冇野漏,要唔要再落單之類
趕客都唔駛咁o既下嘩
第間分店或者仲可以試下,但好話唔好聽,個晚去對面元氣食會爽好多
反正大家都係個d野,有可以特別得去邊丫
最少元氣o既侍應應該唔會當d客係傻仔漏單仲要搵藉口呱
張貼