影片
更多
2021-05-16
1045 瀏覽
好耐無返去舊屋打掃，趁今日假期，早啲起身，過去執拾一下。清理完畢，又係時候出去食晏。有人話想食 fish & chips，記得卑利街有間口碑唔錯嘅炸魚薯條店，經常見到有外籍人士幫襯，一於過去吃頓午餐。餐廳設有室內同室外座位，本來想揀門口嘅吧位，可以悠閒地望下街景，不過有人怕熱，最後都係選擇了有冷氣嘆嘅室內位置，原來店內播放著輕快的音樂，真係好有 holiday feel。問店員拿了餐牌，食物選項都幾多，除咗主打的 Fish n Chips 外，仲有 3 款 Sharing Platter、Burger & Bao、Kiwi Pie、Sidekicks、紅白酒、啤酒等供應。點咗 Signature Fish & Chips ($88) 同 Char Siu & Egg Burger ($108) 各一客。炸魚薯條可以自選一款醬汁，有 Tartar、Honey mustard 蜜糖芥末、Mayo 蛋黃醬、Garlic aioli 蒜泥蛋黃醬、Thai chilli 泰式辣醬等等可供選擇。先講下份炸魚薯條，炸魚選用紐西蘭南冰魚柳，魚塊即叫即炸，大大件，夠晒熱辣香脆。外層的炸漿好薄身，脆皮
有人話想食 fish & chips，記得卑利街有間口碑唔錯嘅炸魚薯條店，經常見到有外籍人士幫襯，一於過去吃頓午餐。
餐廳設有室內同室外座位，本來想揀門口嘅吧位，可以悠閒地望下街景，不過有人怕熱，最後都係選擇了有冷氣嘆嘅室內位置，原來店內播放著輕快的音樂，真係好有 holiday feel。
問店員拿了餐牌，食物選項都幾多，除咗主打的 Fish n Chips 外，仲有 3 款 Sharing Platter、Burger & Bao、Kiwi Pie、Sidekicks、紅白酒、啤酒等供應。
點咗 Signature Fish & Chips ($88) 同 Char Siu & Egg Burger ($108) 各一客。炸魚薯條可以自選一款醬汁，有 Tartar、Honey mustard 蜜糖芥末、Mayo 蛋黃醬、Garlic aioli 蒜泥蛋黃醬、Thai chilli 泰式辣醬等等可供選擇。
先講下份炸魚薯條，炸魚選用紐西蘭南冰魚柳，魚塊即叫即炸，大大件，夠晒熱辣香脆。外層的炸漿好薄身，脆皮下的魚柳嫩滑味鮮，咬下去還有魚汁滲出來，加上店家自製的蒜泥蛋黃醬，入口有淡淡的蒜香，但又唔會太強烈，味道剛好，真係令人一吃上癮。
薯條水準亦唔錯，咬下非常熱辣，但又唔會油淋淋，香口之餘仲好有薯仔味，同出面嘅貨色明顯有分別。
另外嗰款叉燒蛋漢堡亦好有驚喜，漢堡包以小煎鍋盛上，旁邊伴有兩塊香噴噴嘅炸薯餅，淨係睇個賣相已經無得輸。個漢堡包用料好豐富，入面夾滿了薄切叉燒、沙律菜，仲有一隻流心煎蛋。
叉燒肉質豐腴、口感柔軟，食落超惹味。太陽蛋煎得啱啱好，不會過熟，蛋黃呈橙黃全流心，配上香口鬆軟的麵包，味道一流。
張貼
