影片
更多
2020-08-26
902 瀏覽
星期日去咗黃埔行街，行咗去蕪湖街嗰邊，見到有間古早蛋糕店「阿里山」有人排緊隊，我哋就走去八下，原來啲人買緊榴槤味😂，但我唔食的。不過蛋糕其實有🌈好多款口味，包括比較大路(如原味、朱古力同芝士等)同店舖獨家(如榴槤、柚子同榛子等)嘅款式。望多兩望，頭先嘅人流已過，店員好熱情地讓我哋試食，並介紹唔同口味所採用嘅食材，全部都係真材實料👍。後尾老闆出現埋，佢更加落力同友善，我哋仲同佢吹咗陣水。等蛋糕出爐嘅時候，就可以睇下右手邊廚房整餅嘅過程，各個步驟顯露於街坊眼前，洗蛋同打蛋等各工作都交由後生師傅包辦🧑🏻🍳！蛋糕出爐後，就交俾女店員切，佢好精準咁用間呎度住嚟切，成條生產線好流暢😊。我同朋友夾埋買咗三款，其中兩款我同佢Share，咁就可以食多款口味！留意番，呢間蛋糕舖係可以買半條㗎😉。榛子蛋糕($85)，呢款蛋糕嘅面特別唔同，因為有好多堅果粒🌰，令人聯想起好似食緊金莎咁，為蛋糕加添口感；而蛋糕本身就有微微嘅咖啡同朱古力味。朱古力蛋糕($85)，蛋糕無論味道定顏色都好濃郁，🍫朱古力味甜甜的，並且加入咗朱古力粒，切嘅時候覺得硬硬地，但食落又唔覺喎！日本柚子蜂蜜蛋糕($95)，🍋柚子味道突出，食得出
星期日去咗黃埔行街，行咗去蕪湖街嗰邊，見到有間古早蛋糕店「阿里山」有人排緊隊，我哋就走去八下，原來啲人買緊榴槤味😂，但我唔食的。
不過蛋糕其實有🌈好多款口味，包括比較大路(如原味、朱古力同芝士等)同店舖獨家(如榴槤、柚子同榛子等)嘅款式。
望多兩望，頭先嘅人流已過，店員好熱情地讓我哋試食，並介紹唔同口味所採用嘅食材，全部都係真材實料👍。後尾老闆出現埋，佢更加落力同友善，我哋仲同佢吹咗陣水。
等蛋糕出爐嘅時候，就可以睇下右手邊廚房整餅嘅過程，各個步驟顯露於街坊眼前，洗蛋同打蛋等各工作都交由後生師傅包辦🧑🏻🍳！
蛋糕出爐後，就交俾女店員切，佢好精準咁用間呎度住嚟切，成條生產線好流暢😊。
我同朋友夾埋買咗三款，其中兩款我同佢Share，咁就可以食多款口味！留意番，呢間蛋糕舖係可以買半條㗎😉。
榛子蛋糕
$85
1 瀏覽
0 讚好
0 留言
朱古力蛋糕
$85
2 瀏覽
0 讚好
0 留言
日本柚子蜂蜜蛋糕
$95
4 瀏覽
0 讚好
0 留言
三款味道各有千秋，不過共通點就係蛋糕本身非常鬆軟🤤。
題外話，我覺得呢間蛋糕舖嘅紙盒隻色好靚💜。
總括嚟講，紅磡區嘅街坊而家都有古早蛋糕食喇，暫時區內應該得佢吧🤔。佢嘅蛋糕口味有成十款，相信總有一款啱你！
張貼
