鳴虎 (馬頭圍道) (已結業)

無意中發現紅磡有一條小巷子，感覺就好似置身日本美食橫町，有飲品，蛋糕Cafe，輕食等等，我揀咗一間喺大街位置的日式料理，格局裝修好有日式風格。M5和牛飯和牛分量十足，上枱時成個火山咁，和牛鋪滿了一個小山丘，在頂部加咗隻蛋。而牛肉肉質非常鮮嫩，脂肪分布平均，所以有入口即溶的感覺，再加左蛋漿同秘製醬汁，非常惹味。三款小食：炸軟殼蟹成隻上排場十足，即叫即炸熱辣辣啖啖肉，軟殼蟹肉質鮮美，可以配生菜再加少少沙律醬夾著軟殼蟹，呢個食法一流。秋葵師傅加咗鹽等調味料去燒，令秋葵易入口，好惹味。日本小番薯好甜，有外脆內軟的感覺。北海道牛乳配十勝紅豆甜品選擇唔算多，我就揀咗牛乳布甸，非常彈滑，好香牛奶味，加咗少少紅豆配襯，如果可以再加多啲紅豆就更加完美了。