影片
更多
2009-10-08
15 瀏覽
聽朋友講紅磡灣海灣軒一帶開左好多新野，所以今日一放工就行過去睇睇……原來o係海灣軒樓下o既棕櫚長廊度開左一間【夢上海】，同一間【灣畔餐廳】！【灣畔餐廳】分三部份，一部份係酒吧，一部份係西餐廳，另一部份係火煱區，雖然朋友推介係【灣畔餐廳】o既一人一爐海鮮自助火煱，但係因為我自己有d喉嚨痛，所以就決定同男朋友試下【灣畔餐廳】灣畔晚餐！呢個晚餐係類似《三重奏》形式，$158有新鮮沙律，放晒o係檯面，自助餐形式，而即煮餐湯，揀完廚師即煮，再由侍應奉上檯……..法律款式都算多有6~7款，即煮餐湯有兩款湯，周打蜆湯同蕃茄湯，我同男朋友每樣叫左一款，周打蜆湯材料豐富，蕃茄湯味道亦非常清甜…….主菜方面我搭選了烤美國安格斯肉眼扒配三色胡椒汁(12安士)，點了5成熟，牛扒上檯時一看就知真是足12安士，切開牛扒，生熟程度o岩o岩好！唔會話太『un』切唔開，又唔會大生有血水，三色胡椒汁又唔會話太辣，帶出個肉味更突出。男朋友選了烤澳洲羊扒配薄荷汁，因為我本身唔食羊，所以無試過味道……但男朋友話一D都唔『So』，烤得好香……因為兩個主菜都有薯菜伴碟，食完主菜已經有9成飽，但係甜品對我黎講點可以唔食呢…所以就點了
原來o係海灣軒樓下o既棕櫚長廊度開左一間【夢上海】，同一間【灣畔餐廳】！
【灣畔餐廳】分三部份，一部份係酒吧，一部份係西餐廳，另一部份係火煱區，
雖然朋友推介係【灣畔餐廳】o既一人一爐海鮮自助火煱，但係因為我自己有d喉嚨痛，所以就決定同男朋友試下【灣畔餐廳】灣畔晚餐！
呢個晚餐係類似《三重奏》形式，$158有新鮮沙律，放晒o係檯面，自助餐形式，而即煮餐湯，揀完廚師即煮，再由侍應奉上檯……..
法律款式都算多有6~7款，即煮餐湯有兩款湯，周打蜆湯同蕃茄湯，我同男朋友每樣叫左一款，周打蜆湯材料豐富，蕃茄湯味道亦非常清甜…….
主菜方面我搭選了烤美國安格斯肉眼扒配三色胡椒汁(12安士)，點了5成熟，牛扒上檯時一看就知真是足12安士，切開牛扒，生熟程度o岩o岩好！唔會話太『un』切唔開，又唔會大生有血水，三色胡椒汁又唔會話太辣，帶出個肉味更突出。
男朋友選了烤澳洲羊扒配薄荷汁，因為我本身唔食羊，所以無試過味道……
但男朋友話一D都唔『So』，烤得好香……
因為兩個主菜都有薯菜伴碟，食完主菜已經有9成飽，但係甜品對我黎講點可以唔食呢…所以就點了香蕉貴妃撻，即焗朱古力心太軟，起初都抱住試新款甜品心態去試香蕉貴妃撻，點知未放入口已經聞到好香o既香蕉味，原來《香蕉貴妃》o既貴妃係拖肥咁解，唔會話太甜，鍾意食香蕉o既朋友一定鍾意食呢個甜品！拖肥加香蕉配搭新穎，但係味道又出奇地夾！
即焗朱古力心太軟，因為有Movenpick雪榚伴碟，所以味道更好味！
男朋友話下次會再同我黎試下其他新野添……
張貼