紅磡串門子

營業中

休息中

紅磡宵夜嘅地方有好多 其中串門子就係其中一個熱點 相信好多紅土街坊都有食過🔥麻辣小龍蝦🦞 呢個鍾意食海鮮同食辣嘅朋友一定鍾意！十幾隻小龍蝦夠麻夠辣 肉質彈牙 仲有蓮藕 青瓜 洋蔥 墊底索晒啲汁❤️‍🔥無論去邊食串燒都要嗌嘅蒜蓉燒茄子🍆 茄子一分為二鋪滿蒜蓉同孜然粉 唔會燒得好乾 茄子軟嫩入味💜惹味蒜蓉帶子扇貝燒得啱啱好 扇貝軟嫩多汁 又係不吝嗇地有大量蒜蓉 充滿蒜香🧄五花腩肉串又係必叫 啖啖肉充滿肉汁 充滿油香🐷 燒豆卜平時就比較少見 見餐廳推介就試吓 估唔到原來咁好味！外脆內軟好好咬又惹味😙錫紙花甲粉🍲 本身以為係錫紙包住花甲同粉絲 但原來係湯粉😛 大量花甲 娃娃菜 金菇菜 大量粉絲吸收晒辣湯底同花甲嘅鮮味 分量十足 作為主食都綽綽有餘🥢有串燒當然唔少得要有啤酒🍻 串門子有唔同嘅啤酒供應 亦有提供無酒精飲品 餐廳位置唔算多 想試嘅記得早啲去👋🏻