燒得棧 (已結業)

收工去紅橋搵食，無意中發現呢間串燒店，決定買d 返屋企試試。返到屋企雖然凍左，不過叮返熱估唔到都仲好好味wow.十分推介牛小排，等緊既時候老闆話來貨一大舊，起碼有三分一邊位有根既都唔用得，比客人既都係無根，老闆果然無呃我，無根之餘好似食緊和牛咁，最重要返熱都唔會韌。燒粟米又係有驚喜，食得出好新鮮，粟米好清甜。大啡菇好多汁👍🏼👍🏼燒娃娃菜同韭菜調味好正，又唔會乾。呢隻魷魚又係必食，估唔到咁鮮味，返熱都仲好腍，老闆話係飛機貨，日本返黎既，又大隻，好抵食。總結，包裝上都好好，係用膠盒再加錫紙鋪低，仲要三，四串就一個盒，返到屋企都唔會變哂樣。仲有，記得問老闆攞個自家製辣粉，呢個係少辣，想食幾辣自已加，個粉好惹味，岩哂想食辣但係又怕太辣既我。