囍八方 (差館上街)

營業中

休息中

今日兩個人無所事事，喺上環呢邊散步，諗住搵吓啲外賣買返屋企食，始終六點後唔俾堂食，係冇咁方便！行到荷李活道呢度，見到一間外面紅噹噹裝修嘅店舖，喺條斜路上面，睇落好喜慶😄就外賣左幾款返屋企食。芹菜鮮豬肉餃紅油抄手蝦子雲吞鮮蝦雲吞撈麵（附魚湯）入到去見店舖充滿家庭式風味，好有親切感！每款食物都唔錯，特別一提個煎餃，煎得香噴噴，咬落去仲有少少咇汁添，連本身唔鍾意食芹菜嘅另一半都覺得唔錯，會食多幾件添，一份六隻都唔係好夠，下次要叫夠兩份先得😆同埋必試佢哋個秘製辣菜甫，夠晒香辣，咬落香脆👍