影片
更多
2016-06-03
5323 瀏覽
炸雞店愈開愈多，到底邊間先值得試呢？呢間炸雞店，選址已經有優勢，銅鑼灣地鋪，而且找來韓國人氣防彈少年做代言人，好高成本！即使係咁，不過食物唔算貴，與一般炸雞店價錢差不多！今次我點咗雙拼，十件版 （$148）橄欖黃金炸雞+蜂蜜脆片炸雞 ， 各五件先講黃金炸雞，Wow~係好味嘅，熱辣辣嘅外表好脆之餘好香，入邊好juicy 同埋肉質好滑！我成日都覺得食野係應該食佢原本嘅味道，所以黃金雞係值得試👍🏻之後諗住試下蜂蜜炸雞，食咗一啖，覺得有D唔妥，E，點解張單落咗韓式蒜味炸雞呢？咁都食咗啦，又無理由同佢換嘅，加上呢款韓式蒜味炸雞係最新出品，一試無防😉味道又唔錯喎，甜甜地，蒜味唔太搶，雖然有汁，不過D雞外表仲係脆卜卜另一道菜，我點咗個炸蝦紫菜卷$68，滿懷歡喜等佢後，一食，嘩，好失望呀，好失望呀！點解完全食唔到有蝦味？😫加上紫菜都唔好味，呢個菜絕對係敗筆食完呢個卷，心情真係沉一沉，無哂心機，咁不如點個甜品食下啦，咁我就點咗紅餅啦，嘩，個紅餅黎到，已經聞到好香，係好香，而且有兩大塊，都只係$49，不過真係食唔哂，所以請咗塊俾隔離枱食！點解可以咁好味，呢個紅餅，外面嘅口質似岩岩爐好嘅牛角包，入面係fi
呢間炸雞店，選址已經有優勢，銅鑼灣地鋪，而且找來韓國人氣防彈少年做代言人，好高成本！
即使係咁，不過食物唔算貴，與一般炸雞店價錢差不多！今次我點咗雙拼，十件版 （$148）
橄欖黃金炸雞+蜂蜜脆片炸雞 ， 各五件
先講黃金炸雞，Wow~係好味嘅，熱辣辣嘅外表好脆之餘好香，入邊好juicy 同埋肉質好滑！我成日都覺得食野係應該食佢原本嘅味道，所以黃金雞係值得試👍🏻之後諗住試下蜂蜜炸雞，食咗一啖，覺得有D唔妥，E，點解張單落咗韓式蒜味炸雞呢？
咁都食咗啦，又無理由同佢換嘅，加上呢款韓式蒜味炸雞係最新出品，一試無防😉
味道又唔錯喎，甜甜地，蒜味唔太搶，雖然有汁，不過D雞外表仲係脆卜卜
另一道菜，我點咗個炸蝦紫菜卷$68，滿懷歡喜等佢後，一食，嘩，好失望呀，好失望呀！點解完全食唔到有蝦味？😫加上紫菜都唔好味，呢個菜絕對係敗筆
食完呢個卷，心情真係沉一沉，無哂心機，咁不如點個甜品食下啦，咁我就點咗紅餅啦，嘩，個紅餅黎到，已經聞到好香，係好香，而且有兩大塊，都只係$49，不過真係食唔哂，所以請咗塊俾隔離枱食！
點解可以咁好味，呢個紅餅，外面嘅口質似岩岩爐好嘅牛角包，入面係filled 滿哂紅豆蓉，再加埋d蜜糖，完勝呀
就係咁我已經唔記得個蝦卷嘅事啦！因為呢個餅所以我俾好評！順帶一提，可能d野食太香啦，吸引咗一d會飛嘅小昆蟲係店入邊飛來又飛去🙈
張貼
