采蝶軒 (已結業)

今日母親節前夕又放假約o左朋友去金鐘睇戲, 之前當然要去食個飯先啦! 又去返之前果間釆蝶軒, 環境依然無什麼太多改變, 夠清潔同舒服, 原來餐廳都跟得上潮流, 部份點心可以Order可以一件件上, 唔洗叫一兩籠就已經飽, 食唔到其他野, 今次點心方面叫o左天津韮菜餃, 冬荀鮮蝦餃, 崧子香茜素粉果, 鮑魚雞酥批各兩件,同行朋友一人一件, 爽之後再叫o左黑松露小籠包, 鮮蟹肉冬瓜粒湯,西紅柿酸辣米線, 點心方面蝦餃做得唔錯, 入面大大隻蝦皮又薄, 鮑魚雞酥批, 咬開入面o的鮑粒好多, 外皮鬆脆入口有口感, 黑松露小籠包, 上枱時有好香既陣陣的黑松露味, 食落口有小小爆汁既感覺, 鮮蟹肉冬瓜粒湯, 唔錯, 本人建議加個白飯做湯飯較好, 最後係西紅柿酸辣米線, 西紅柿即係蕃茄, 估唔到蕃茄同酸辣真係好夾, 加埋海鮮既鮮味, 完全唔同坊間米線一味酸同辣, 佢重有蕃茄既甜味tim. 簡直係夏天食一流.