阿茶茶。館 (已結業)

週年紀念，就搵間西餐浪漫下平時去元朗多數食日本野，今次試下呢間阿茶茶館。一入到去環境不錯，好安靜舒適。首先就黎個十安士肉眼扒，加30元有埋餐包同湯，個湯酸酸地幾開胃。個牛肉叫左七成熟，熟度岩岩好，唔會太生，啲肉質幾嫩。再配埋個汁好夾。配菜叫左薯條，好厚身足料，食落去軟身唔太熱氣。另外試下個幾特別既法式煙肉薄餅，個皮同入面啲料加埋甜甜地，味道幾夾。最後甜品係香蕉薄餅，外脆內軟，加埋個蜜桃果醬岩岩好，陣陣香噴噴味。