北京老家 (已搬遷) 新店位置

女人愛靚就梗架啦，所以係OR 見人post啲環境相出嚟咁靚，就一於約朋友係度食生日飯。可惜今次見唔到金魚，因為我哋坐嘅係普通木枱。 不過見佢門口擺住大大細細嘅裝飾品，都幾吸引。當晚由於我要開OT,所以遲到，影唔哂所有食過嘅嘢。朋友發板叫咗醬豬耳絲，香渣拌豆腐，炒刀削麵，白菜水餃，大蔥羊肉水餃，片皮鴨半隻，糖醋排骨，酸溜冬瓜同拔絲士多啤利。羊肉水餃皮大厚，肉太少片皮鴨肉片得太厚，口味尚算可以，香味欠奉炒刀削麵冇鑊氣，冇味，唔對板糖醋排骨口味可以，有酸有甜，轉眼已被ko, 因為唔大碟呢！酸溜冬瓜份量同樣太少，酸味太重，朋友們食唔慣呢萬眾期待嘅士多啤利，賣相不得了，照相係叫呢個甜品嘅重要環節。可惜，點解個士多啤利入面有啲係熱嘅有啲係暖嘅，分數即時大減，重要係放耐一陣就出水，成碟嘢賣相分都減埋，即時唔想再食整體嚟講呢餐可算係糖衣陷井，貪靚好奇嘅朋友可以一試，但真心想食餐好嘅就可有其他選擇。