鮮芋仙 (新都會廣場) (已結業)

睇完戲(梅艶芳)，唔知點解感覺到心情有點沉重，所以想食番啲甜嘢令自己開心下，係openrice搜查到有間新開嘅糖水店，其實佢係連鎖店仲有好多間分店。此店要先在門口取票等位，當叫到你等候號碼後，再排隊落單點餐，然後才可入座。原本仕應已經叫左我地號碼，我地亦正在排隊準備點餐時，之前叫過了號碼的客人突然返回，仕應話佢地號碼在我地前面，所以我地要再等叫號，排排下隊又要行埋一邊再等位，感覺好混亂，如果收銀動作快啲我地就入座左啦 。服務有待改善!而餐牌上寫明，每人最低消費一份糖水。咁我地當然要每人簡一份啦。(1) 小芋圓配雪糕+紅豆綠茶布丁 - 細細粒小芋圓唔硬好煙韌，紅豆好味又大粒，綠茶布丁口感都幾好，但就無咩綠茶味。整體都不錯(2) 芋圓2號(蕃薯/芋圓/紅豆) - 大大粒芋圓都好煙韌，蕃薯就太大件最好切細件啲啦，而紅豆湯份量就超大碗，夠兩個人食添。其實仲有好多可加配嘅items，下次有機會再試啦。