影片
更多
2014-02-27
380 瀏覽
閒日晚上散步路過此店，見無乜人，於是入去食碗糖水。點了綠豆沙湯丸和䅇子蓉。綠豆沙唔起沙，水還水豆還豆，無臭草味，無甜味兼唔夠熱。賣糖水連基本功都不及格！栗子蓉無質感，無栗子香味，糊狀物一碗！
題外話/補充資料：
食糖水期間，隣桌食客要求侍應攞多隻匙，當時得幾枱客，三個侍應無嘢做，撟埋對手叫個客自己去攞，雖然牆上有告示寫如堂食要額外餐具要自取，但以當時客量，為何不作舉手之勞呢？而且個女侍應態度係一副按本子辧事，話知你的樣子，繼續撟起對手行埋一邊！
到我在櫃台埋單後，不小心跌了幾個大銀落地，正在狠狽地𢴇錢，點知身邊個女侍應見到我嘅情況，毫無意圖幫一幫我，一樣繼續撟埋對手担天望地，有無當我係客㗎！唔識嘅路人都唔會咁啦！感覺很差！
(以上食評乃用戶個人意見 , 並不代表OpenRice之觀點。)
張貼