影片
更多
2020-08-08
1121 瀏覽
Q1第一郡✖️原本諗住去長沙灣食鰹烏冬，但係天氣咁熱真係唔想徒步行到去深水埗。於是今日第一餐就決定係深水埗食越南法包，地點超好揾，就係鼎鼎大名嘅康瑞甜品隔離。沒有特別裝潢，簡簡單單，小店一間有貓屎咖啡？用餐半小時，幾十個客出出入入買外賣，例牌都係聽到買：斑斕綠豆糕、榴槤糕紫米糕、米紙蝦卷、越南法包。個個都一定會買糕點，睇嚟水準一定好好。如果唔係堂食同外賣都冇咁多人點名喇！睇下前後枱，大多數都係呢個組合：法包+湯粉+沙冰+糕點。望到隔離枱碗『蟹膏蕃茄湯檬』哇，個蟹膏餅好似臭豆腐咁大嘅？再睇下大家都點咗紅毛榴槤沙冰。雖然我唔食榴槤，但係呢杯嘢飲喺香港來講確實係幾特別，但係價錢都唔平㗎，差唔多要$50。呢幾樣野就係呢度嘅王牌：我一條友仔淨係叫咗普通基本款越式法包，加配牛油果沙冰。我未去過越南未食過正宗嘅越式法包，但係我覺得都好好味噃，如果可加多啲肉鬆同芫荽仲會更香口添。如果要略嫌嘅話，我就覺得杯沙冰唔夠冰涷，如果真係可以再凍啲再沙啲就正晒喇！
沒有特別裝潢，簡簡單單，小店一間
有貓屎咖啡？
用餐半小時，幾十個客出出入入買外賣，例牌都係聽到買：斑斕綠豆糕、榴槤糕紫米糕、米紙蝦卷、越南法包。個個都一定會買糕點，睇嚟水準一定好好。如果唔係堂食同外賣都冇咁多人點名喇！
睇下前後枱，大多數都係呢個組合：法包+湯粉+沙冰+糕點。望到隔離枱碗『蟹膏蕃茄湯檬』哇，個蟹膏餅好似臭豆腐咁大嘅？再睇下大家都點咗紅毛榴槤沙冰。雖然我唔食榴槤，但係呢杯嘢飲喺香港來講確實係幾特別，但係價錢都唔平㗎，差唔多要$50。呢幾樣野就係呢度嘅王牌：
我一條友仔淨係叫咗普通基本款越式法包，加配牛油果沙冰。我未去過越南未食過正宗嘅越式法包，但係我覺得都好好味噃，如果可加多啲肉鬆同芫荽仲會更香口添。如果要略嫌嘅話，我就覺得杯沙冰唔夠冰涷，如果真係可以再凍啲再沙啲就正晒喇！
張貼
