雲桂川冰室 (已結業)

今日入屯門搵朋友，但天氣麻麻，落好大雨，係附近茶餐廳食早餐算。鮮牛肉公仔麵配雙太陽蛋，牛油厚多士，熱奶茶公仔麵煮得唔錯，唔會軟淋淋，牛肉份量比一般茶餐廳多，雙太陽蛋火喉控制得好，個蛋仲係半生熟，好夠滑，牛油厚多士有烘底，配合沖得細滑嘅奶茶👍🏻香煎牛扒配黑松露炒蛋，奶油豬仔包，熱北海道3.6牛乳牛扒嘅份量係大型連鎖店嘅雙倍，而且煎得好靚，好易切得好，咬落去口感啱啱好，黑松露炒蛋有驚喜，蛋炒得好滑而且好多黑松露，好耐冇食過奶油豬仔包，包都係熱辣辣出爐，咬落去香脆又有足夠煉奶，再喝一啖濃厚嘅北海道3.6牛乳，正😇豬扒烏冬，西多士，懷舊紅豆冰豬扒又係好大塊，而且煎得金黃，烏冬湯底唔會好咸，算正常發揮。西多士炸得出色，食落唔會好油，入面有濃濃花生醬，餐廳有糖漿提供，再配合有勁多奶嘅懷舊紅豆冰，簡直係人生一大樂事😊總括而言，餐廳大件夾抵食，茶記黎講算唔錯！