森川弁当

最近又發現一間良心小店森川弁当，仲要係專做日式料理便當外賣，款款賣相精美，最平$60就食到一個有質素的便當連餐飲，可以揀味噌湯/綠茶/烏龍茶，誠意滿分。

之前食過香辛咖哩牛肉弁当好好味，而且呢度的便當係每日由人手新鮮製造，確保品質保證，除左到分店買之外，更可以上官網訂購，服務貼心。

今次呢個洋風漢堡蛋包丼係同事推介的，便當賣相精緻，漢堡扒肉質鬆軟、肉汁豐富，連埋甜甜地的照燒汁一齊食，啖啖肉夠曬滋味。金黃色的旋風滑蛋質素亦不錯，配上煙un的米飯，食完係有少少膩，不過食得好滿足好開心！