彤 (已結業)

我一直都好中意食omakase，今次好姊妹生日，就同佢黎佐尖沙咀既呢間彤試下。前菜先黎北海道產鱈魚白子，係魚既精子，做咗岩鹽嘅鹽燒，有好creamy既口感，又唔會太腥，好好味😋之後有千葉原產平目魚，平目魚係薄片咁包住芽蔥，加上辣椒蘿蔔蓉同埋柚子味酸汁，豐富有層次既口感超級正，爆鮮味爆好食🤩另外鰤魚刺身都好好食，鰤魚鮮味，唔會好腥，魚味又濃，魚肉厚實，好特別👍🏻壽司方面熊海老壽司同埋北海道赤貝壽司就較為難忘，熊海老壽司係將隻蝦開邊再放啲飯入去，蝦肉彈牙，配埋啲調佐味既飯好好食，而赤貝都好爽脆，好新鮮，全部壽司都好食到形容唔到呀！🤤